ویب ڈیسک: وزیراعظم شہباز شریف کا کہنا ہے کہ ترکیہ نے ہر مشکل وقت میں ہر عالمی فورم پر پاکستان کا ساتھ دیا، آج کا دن ہمارے تاریخی تعلقات میں عظیم دن ہے،تعلقات کو مزید مضبوط بنایا جائے گا۔
تفصیلات کے مطابق وزیراعظم شہباز شریف نے ترک صدر کے ہمراہ پاک بحریہ کیلئے تیسرے ملجم کارویٹ جہاز کا افتتاح کردیا،تیسرے ملجم کارویٹ جہاز کو پی این ایس خیبر کا نام دیا گیا ہے۔افتتاحی تقریب میں چیف آف دی نیول اسٹاف ایڈمرل محمد امجد خان نیازی نے بھی شرکت کی۔
پاک ترکیہ مشترکہ تعاون پر مبنی ملجم اسٹریٹجک پارٹنرشپ میں اہم سنگ میل ہے،ترجمان کا کہنا ہے کہ پاک بحریہ کیلئے پہلے کارویٹ پی این ایس بابر کی لانچنگ تقریب اگست 2021 میں ہوئی، دوسرے جہاز پی این ایس بدر کا سنگ بنیاد مئی 2022 میں کراچی میں رکھا گیا۔
PM Shehbaz accompanied byTurkish PresidentTayyip Erdogan was accorded guard of honour at the launching ceremony of Milgem Corvette ships, reflecting concrete example of Pakistan-Türkiye partnership which transcends conventional ties and diplomatic niceties. #PMShehbazinTurkey pic.twitter.com/vnHCOCM52M
— Marriyum Aurangzeb (@Marriyum_A) November 25, 2022
دوسری جانب وفاقی وزیر اطلاعات مریم اورنگزیب نےٹویٹ میں کہا کہ وزیر اعظم شہباز شریف پاکستان اور ترکیہ کے درمیان بے پناہ صلاحیتوں سے استفادہ کیلئے پرعزم ہیں، وزیراعظم نے دوطرفہ تعلقات کیلئے جامع روڈ میپ مرتب کرنے، ترک حکام اور ممکنہ سرمایہ کاروں کے ساتھ وسیع تر رابطے کے لئے انتھک محنت کی۔