قذافی بٹ: وزیر اعلیٰ پنجاب عثمان بزدار کہتے ہیں صرف رجسٹرڈ ڈیلر ہی چینی فروخت کر سکے گا، اشیائے خورونش پر سٹے بازوں کرنے والوں کے خلاف کارروائی کی جائے گی، وزیراعظم کے معاون خصوصی شہزاد اکبر کہتے ہیں چینی سکینڈل میں ملوث دس بڑے لوگوں میں جہانگیر ترین اور حمزہ شہبازبھی شامل ہیں۔
ایوان وزیر اعلیٰ میں پریس کانفرنس کرتے ہوئے وزیر اعلیٰ پنجاب عثمان بزدار کا کہنا تھا کہ صوبائی کابینہ کے فیصلے کی روشنی میں چینی کی پیداوار اور ترسیل کے نظام کو کنٹرول کیا جائے گا، صرف رجسٹرڈ ڈیلر ہی چینی فروخت کر سکیں گے۔ ڈیلر کو صرف حکومت کی مقرر کر دہ حد تک چینی سٹور کرنے کا اختیار حاصل ہوگا۔ وزیر اعلی پنجاب کا کہنا تھا کہ بلدیاتی اداروں کی بحالی کے حوالے سے ابھی سپریم کورٹ کا تفصیلی فیصلہ موصول نہیں ہوا، فیصلہ موصول ہونے کے بعد قانونی راستہ اختیار کریں گے۔
چینی کی مارکیٹ میں سٹےبازی اور ذخیرہ اندوزی ختم کرنے کے لیے آج پنجاب کابینہ نے Punjab Foodstuffs Control Act کے تحت کین کمشنر اور ضلعی انتظامیہ کو اختیارات دئیےہیں جن کےتحت تمام بروکرز اور ڈیلرز کو رجسٹریشن کروانی ہو گی اور سٹاک کی تفصیلات دینی پڑیں گی pic.twitter.com/nFp0jMtyZI
— Usman Buzdar (@UsmanAKBuzdar) March 25, 2021
وزیراعظم کے معاون خصوصی برائے احتساب شہزاد اکبر کا کہنا تھا براڈ شیٹ پر تحقیقات مکمل ہو چکی ہیں، کابینہ کے آئندہ اجلاس میں رپورٹ پیش کی جائے گی اور جنہوں نے جعلی ادائیگیاں کیں ان کی نشاندہی بھی ہوگی ہے۔ شہزاد اکبر نے کہا کہ ایف آئی اے کی جانب سے چینی مافیا کے خلاف شروع کئے جانے والے آپریشن سے جو اطلاعات سامنے آ رہی ہیں اس کی روشنی میں انہیں مافیا کہنا بھی چھوٹا لفظ ہے۔
انہوں نے کہا کہ چینی سکینڈل میں ملوث دس بڑی شخصیات کے خلاف مقدمات درج کئے جاچکے ہیں۔ شہزاد اکبر کا کہنا تھا کہ مریم نواز نیب میں منی لانڈرنگ کا جواب دینے آ رہی ہیں، عدالتوں اور اداروں پر حملہ اس خاندان کا ٹریک ریکارڈ ہے۔ مریم نواز کی پیشی پر نیب کی درخواست پر رینجرز تعینات کر دی گئی ہے۔