شاہین عتیق: شاہ عالم مارکیٹ میں 5 روز قبل پیرا فورس کی کارروائی کے دوران تاجروں پر مبینہ تشدد کے معاملے پر سیشن کورٹ میں مقدمہ درج کرنے کی درخواست دائر کردی گئی۔
شاہ عالم مارکیٹ کے تاجر ایاز چودھری نے نوید طارق ایڈووکیٹ کی وساطت سے درخواست دائر کی، جس میں اسسٹنٹ کمشنر شفیق ڈوگر، علی رضا، عدنان اور دیگر اہلکاروں کے خلاف مقدمہ درج کرنے کی استدعا کی گئی ہے۔
درخواست پر ایڈیشنل سیشن جج اقتدار حسین نے موچی گیٹ پولیس سے 11 ستمبر کو رپورٹ طلب کرلی۔