(مانیٹرنگ ڈیسک) معروف گلوکار بلال سعید گلوکاری کی دُنیا کے بعد سوشل میڈیا پر بھی مقبولیت کے جھنڈے گاڑنے میں کامیاب ہوگئے۔

پاکستان کے معروف گلوکار بلال سعید انسٹاگرام پر چھا گئے، انہیں فوٹو اینڈ ویڈیو شیئرنگ ایپ انسٹاگرام پر ایک ملین یعنی 10 لاکھ سے زائد صارفین نے فالو کرلیا، گلوکار کی اس کامیابی پر اُن کے لاکھوں پرستاروں کی جانب سے اُنہیں مبارکباد دی جارہی ہے۔

گلوکار بلال سعید کے انسٹاگرام اکاؤنٹ کی جانب نظر دوڑائی جائے تو اُنہوں نے ابھی تک 887 پوسٹس کی ہیں جن میں اُن کے میوزک پراجیکٹس کے حوالے سے ویڈیوز اور تصاویر شامل ہیں۔

گلوکار نے اپنے انسٹاگرام اکاؤنٹ سے جن صارفین کو فالو کیا ہوا ہے، اُن کی تعداد صرف 49 ہے، جن میں خاص دوست اور عزیز شامل ہیں۔