سٹی42: میاں محمد نواز شریف کی صاحبزادی مریم نواز کا اپنے ٹویٹ میں کہنا تھا کہ حکومت نے جیل میں میاں نواز شریف کے معائنہ کے لئے سپیشلسٹ ڈاکٹر کی خدمات حاصل کرلی ہیں, ان کا کہنا تھا کہ میاں نواز شریف کے ذاتی معالج کا طبی معائنہ کے وقت موجود ہونا ضروری ہے۔
تفصیلات کے مطابق سابق وزیراعظم نواز شریف کی بگڑتی ہوئی صحت کے بارے ان کی صاحبزادی نے حکومت سے ان کے علاج کے لئے موثر انتظامات کرنے کی درخواست کی تھی، حکومت نے سپیشلسٹ ڈاکٹر کا انتظام میاں نواز شریف کی بگڑتی ہوئی حالت کے پیش نظر کیا، سپیشلسٹ ڈاکٹر آج جیل میں میاں نواز شریف کا معائنہ کریں گے، میاں نواز شریف کے ذاتی معالج کا طبی معائنہ کے وقت موجود ہونا ضروری ہے، مریم نواز کاکہناتھاکہ میاں نواز شریف کے ذاتی معالج کی طبی معائنے کے وقت موجودگی کےلئے محکمہ داخلہ کو درخواست جمع کرادی ہے.
In view of deterioration of MNS’s renal function, authorities are arranging for a specialist to examine/evaluate him at the jail today. Presence of MNS’s personal physician during the examination is vital. A written request to the Home Office in this regard has been dispatched. pic.twitter.com/zwgvIdOVPD
— Maryam Nawaz Sharif (@MaryamNSharif) March 23, 2019
گزشتہ روز وہ اپنے والد نواز شریف سے ملنے آئیں تو جیل انتظامیہ نے ان کو ملنے کی اجازت نہ دی جس پر انہوں نے جیل کے باہر دھرنا دینے کا اعلان کیاتھا، آج جب وہ کوٹ لکھپت جیل پہنچی تو کارکنوں کی کثیر تعداد موجود تھی جو نواز شریف کے حق میں نعرے لگا رہے تھے، ہجوم کو دیکھتے ہوئے حکومت نے نواز شریف کے علاج کے لئے سپیشلسٹ ڈاکٹر کا انتظام کیا۔