مرنے کے بعد ہونے والی پہلی شادی، دل دہلا دینے والا واقعہ

statue marriage of two citizens of India
کیپشن: file photo
سورس: google
Stay tuned with 24 News HD Android App
Get it on Google Play

ویب ڈیسک:  پسند کی شادی نہ ہونے پر خودکشی کرنیوالے جوڑے کے مجسموں کی شادی کرادی گئی۔

دنیا بھر میں بچوں کی پسند  پر  والدین کا  شادی سے انکار بھی خودکشی کے واقعات میں اضافہ کردیتا ہے اور ایک ایسا ہی واقعہ بھارتی گجرات کے ضلع تاپی کے ایک گھرانے میں پیش آیا لیکن خودکشی کے واقعے کے بعد لڑکا لڑکی کی والدین نے ایک انوکھا فیصلہ کیا۔بچوں کی خودکشی پر والدین کو  اپنی غلطی کا احساس ہوا اور اپنی اس تڑپ کو کم کرنے کیلئے  والدین نے بچوں کی خودکشی کے ایک سال بعد ان کے مجسمے بنا کر ان کی شادی کروائی۔

میڈیا پر  اس انوکھی اور مجسموں کی شادی کی ویڈیو بھی شیئر کی گئی ہے جس میں پنڈت کو لڑکی اور لڑکوں کے عروسی مجسموں کی شادی کرواتے دیکھا جاسکتا ہے۔

رپورٹ کے مطابق  گزشتہ برس تاپی کے رہائشی گنیش اور رنجنا پدوی ایک دوسرے سے شادی کے خواہش مند تھے تاہم والدین کے انکار نے دونوں کی خواہش کو  ناممکن بناڈالا، بعد ازاں گھروالوں کے طعنے اور بدسلوکی پر لڑکی اور لڑکے نے درخت سے پھندا لگا کر خودکشی کرلی تھی۔