سٹی 42: کرکٹر نے یو ٹیوبر سے شادی کرلی ۔
انٹرنیشنل کرکٹ میچز میں بھارت کی نمائندگی کرنے والے کرکٹر یوزیندرا چاہل نے یوٹیوب سے شہرت حاصل کرنے والی کوریوگرافر دھنا شری ورما سے شادی کرلی۔بھارتی میڈیا رپورٹس کے مطابق دونوں کی منگنی رواں سال اگست میں ہوئی تھی اور آج دونوں رشتہ اذدواج میں منسلک ہوگئے ہیں۔
شادی کی تقریب بھارتی شہر گرو گرام میں روایتی انداز میں ہوئی جس میں کوریوگرافر دھناشری ورما نے سرخ رنگ کا عروسی جوڑا زیب تن کررکھا تھا۔ شادی کی تقریب میں گھر کے قریبی افراد شریک تھے۔
22.12.20 ????
— Yuzvendra Chahal (@yuzi_chahal) December 22, 2020
We started at “Once Upon A Time” and found “Our Happily Ever After,” coz’ finally, #DhanaSaidYuz for infinity & beyond! pic.twitter.com/h7k3G3QrYx
یوزیندرا چاہل بھارت کی جانب سے 54 ایک روزہ اور 45 ٹی ٹوئنٹیز انٹرنیشنل میچز میں نمائندگی کرچکے ہیں اور حال ہی میں آسٹریلیا میں بھی ٹی ٹوئنٹی اسکواڈ میں اسکواڈ کا حصہ تھے۔دھنا شری ورما پیشے کے اعتبار سے ڈاکٹر ہیں تاہم یوٹیوب پر ا ن کی کوریو گرافی کی ویڈیوز بے حد پسند کی جاتی ہیں اور ان کے فالوورز کی تعداد 20 لاکھ سے زائد ہے۔