سٹی42 : لاہور ہائی کورٹ نے فرحت شہزادی کے بچوں کا نام پاسپوٹ کنٹرول لسٹ سے نکالنے کا تفصیلی فیصلہ جاری کر دیا۔
تفصیلات کے مطابق ایمان جمیل اور فراز اقبال نے سنگل بینچ کے فیصلے کے خلاف اپیل دائر کی تھی،جسٹس انوارالحق پنوں کی سربراہی میں دو رکنی بینچ نے اپیل کا فیصلہ جاری کیا،عدالت نے تفصیلی فیصلے میں کہا ہے کہ سرکاری وکیل بچوں کے نام پی سی ایل میں رکھنے پر عدالت کو مطمئن کرنے میں ناکام رہے، بچوں کی والدہ فرحت شہزادی اور دیگر پر اینٹی کرپشن نے مقدمہ درج کیا۔
فیصلے میں کہا گیا ہے کہ فرحت شہزادی نے انویسٹی گیشن جوائن نہیں کی، ان پر مقدمے کے وقت دونوں بچوں کی عمریں 16سال سے کم تھیں، بچوں کا نام پاسپورٹ کنٹرول لسٹ میں رکھنے کا جواز نہیں۔
عدالت نے شہباز شریف کا نام ای سی ایل سے نکالنے کے فیصلے کا ذکر کیا، عدالت اپیل منظور کرتے ہوئے سنگل بینچ کا فیصلہ کالعدم قرار دیتی ہے۔