پی ایس ایل 10 کے پہلے ایلیمنیٹر میں کراچی کنگز نے ٹاس جیت کر پہلے بیٹنگ کافیصلہ کیا ہے۔
ناک آؤٹ مرحلے کے اس میچ میں دونوں ٹیمیں قذافی اسٹیڈیم لاہور میں مدِ مقابل ہیں،
واضح رہے پہلے کوالیفائر میں کوائٹہ گلیڈی ایٹرز اسلام آباد کو شکست دے کر فائنل میں جگہ بنا چکی ہے۔آج کے میچ کی فاتح ٹیم دوسرے ایلیمینیٹر میں فائنل میں پہنچنے کے لیے اسلام آباد یونائیٹڈ کے مدِ مقابل آئے گی۔
سٹی 42: پی ایس ایل 10 ایلیمینٹر کے پہلے میچ میں لاہور قلندر ز نے کراچی کنگز کو دھول چٹا دی
لاہور میں کھیلے جارہے میچ میں کراچی کنگز نے ٹاس جیت کر پہلے بیٹنگ کا فیصلہ کیا۔کراچی کنگز نے پہلے کھیلتے ہوئے مقررہ 20 اوورز میں 8 وکٹ کے نقصان پر 190 رنز بنائے۔کراچی کنگز کےکپتان ڈیوڈ وارنر نے 75 رنزکی اننگز کھیلی، ان کی اننگ میں 8 چوکے اور 3 چھکے شامل تھے۔ان کے علاوہ خوشدل شاہ 27 رنز کے ساتھ ناقابل شکست رہے، عرفان خان نے 16 رنز بنائے۔
لاہور قلندرز کی جانب سے حارث رؤف نے تین اور شاہین شاہ آفریدی نے دو وکٹیں حاصل کیں
دوسری اننگز میں لاہور قلندرز نے کراچی کنگز کو دھول چٹا دی ، 18 ویں اوور میں ہی لاہور قلندرز نے 4 وکٹوں کے نقصان میں ہدف پورا کرلیا ، عبداللہ شفیق نے 35 بالز پر 65 رنز کی شاندار اننگز کھیلی ، فخر زمان نے 28 بالز پر 47 رنز جبکہ کوسل پیرا نے 30 رنز بنائے, حسن علی نے 2، میر حمزہ اور فواد علی نے ایک ،ایک وکٹ حاصل کی
آج کے میچ ہارنے کے بعد کراچی کنگز پی ایس ایل 10 کی ٹرافی جیتنے کی دوڑ سے باہر ہوچکا ہے ۔ جبکہ کوئٹہ گلیڈی ایٹرز پہلے سے فائنل میں ہے اور لاہور قلندرز کو فائنل میں پہنچنے کے لیے ایک اور میچ کھیلنا پڑے گا جو اسلام آباد یونائیٹڈ کے ساتھ ہوگا
May 05, 2026
May 05, 2026
سٹی 42: سیشن کورٹ میں بلی نے عدالتی اہلکار پر حملہ کردیا
ایڈیشنل سیشن جج عمران خورشید کے چیمبر میں بلی نے حملہ کیا،بلی کے حملے میں عدالتی اہلکار ارنس مسیح زخمی ہوگیا، بلی اپنے بچوں کو لیکر ایڈیشنل سیشن جج کے چیمبر میں داخل ہوئی،عدالتی اہلکار نے بلی کو بچوں سمیت پکڑنے کی کوشش کی
بلی نے غصے میں آکراہلکار کی ٹانگ پر کاٹ لیا،ناخن مارے،اہلکار کے شور کرنے پر سائلین کی بڑی تعداد جمع ہوگئی،ریسکیو 1122نے آکر بلی کو تھیلے میں بند کیا،اہلکار کی طبی امداد دی
سٹی 42 : پی ایس ایل کے آج ہونے والے میچ میں کراچی کنگز نے پورے (20) اوورز کھیلتے ہوئے 8 وکٹوں کے نقصان پر 190 زنز بنائے ۔
لاہور قذافی سٹیڈیم میں لاہور میں آج کراچی کنگز اور لاہور قلندرز کی ٹیمیں مدِ مقابل ہیں ۔ کراچی کنگز نے شاندار بلے بازی کرتے ہوئے لاہور قلندر کو جیت کیلئے 191 رنز کا ٹارگٹ دیا ہے ۔
کراچی کنگز کے کپتان ڈیوڈ وارنر نے 75، خوشدل شاہ نے 27، عرفان خان نے 18، ٹم سیفرٹ 16، محمد نبی نے 16، سعد بیگ نے 11، اور جیمز وینس نے 4 رنز سکور کئے۔
حارث روف نے 3 ،شاہین آفریدی نے 2 ، شکیب الحسن، محمد نعیم اور زمان خان نے ایک ایک وکٹ حاصل کی۔
May 05, 2026
May 05, 2026
سٹی 42:پی ایس ایس ایلیمنیٹر میں کراچی کنگز کی اننگز جاری ہے
کراچی کنگز نے دس اوورز میں 93 سکور کرلیا ہے جبکہ اس دوران کراچی کنگز کے دو کھلاڑی آؤٹ ہوچکے ہیں ٹم سیفیٹ 16 جبکہ جیمز 4 پر آوٹ ہوئے ، ڈیویڈ وارنر 38 بالز پر 59 سکور بنا کر پچ پر کھڑے ہیں
واضح رہے کراچی کنگز اور لاہور قلندرز کے میچ میں جو ٹیم ہارے گی وہ باہر ہوجائے گی جبکہ جتنے والی ٹیم کا کوئٹہ گلیڈی ایٹرز سے مقابلہ ہوگا
سٹی42: آج کے میچ کے لئے خاص طور سے بلوائے گئے مہمان قلندر شکیب الحسن نے کہا ہے کہ کراچی کنگز بہت اچھی ٹیم ہے، ہمیں اپنی بہترین کرکٹ کھیلنا ہوگی، چیلنجز کا سب پتا ہے اور ان سے نمٹنے کے منتظر ہیں۔
شکیب کے لئے آج کا میچ اس لئے کئی گنا زیادہ اہم ہے کہ یہ میچ جیتیں گے تو دوسرا پلے آف اور ممکنہ طور پر فائنل ان کا منتظر ہو گا۔یہ میچ نہ جیتا تو ان کا پی ایس ایل ٹین ٹؤر بس ایک ہی میچ میں تمام ہو جائے گا۔
شکیب الحسن نے کہا، میں اس سے پہلے بھی پی ایس ایل کھیل چکا ہوں، میں جب بھی پی ایس ایل میں آیا یہاں تجربہ اچھا رہا ہے، پی ایس ایل 10 برسوں میں پہلے سے بہت بڑی ہوئی ہے۔
شکیب نے کہا، قلندرز کا ماحول بہت شاندار ہے، شاہین آفریدی اور حارث رؤف کے خلاف کھیلتا رہا ہوں، اب میں ان کے ساتھ ڈریسنگ روم شیئر کر رہا ہوں، ہمیں ایک دوسرے کو جاننے کا موقع مل رہا ہے۔
شکیب نے بتایا کہ کافی عرصہ بعد کھیل رہا ہوں، اس لئے کچھ پرجوش ہوں، دیکھنا ہے کہ آج باڈی اس جوش کے ساتھ کیا رسپانس دیتی ہے۔
اپنے مستقبل کے حوالے سے شکیب الحسن نے کہا کہ پاکستان سپر لیگ سمیت دیگر لیگز میں بھی کھیلنا پسند کروں گا، مجھے نہیں پتا کہ اگلے 4 ، 5 ماہ میں کیا ہوتا ہے، ابھی میرے معاہدے ہیں میں یقینی طور پر لیگز کھیلوں گا۔
پی ایس ایل ٹین کے آج ایلیمنیٹر میچ میں لاہور قلندرز کا مقابلہ کراچی کنگز سے ہوگا اور شکیب الحسن کو یہ میچ کھیلنے کے لئے خاص طور سے بلوایا گیا ہے۔
May 05, 2026
May 05, 2026
سٹی42: قذافی سٹیڈیم کی پچ پر آج لاہور قلندرز اور اورکراچی کنگز کو خاتمے کا سامنا ہے۔ ایک جئے گا ایک مرے گا، ایک جیتے گا، ایک گھر جائے گا؛ کون جئے گا کون مرے گا- کون جیت کر آئی یو کے ساتھ دوسرا پلے آف کھیلے گا، کون ہار کر گھر جائے گا، اس کا دارومدار بیٹرز اور باؤلرز دونوں پر ہے کیونکہ قذافی کی وکٹ دونوں کو برابر موقع دے رہی ہے۔
پی ایس ایل ٹین میں دونوں ٹیموں کی پرفارمنس اور کے کے کی خطرناک ہسٹری یہ تجویز کرتی ہے کہ کنگز لاہور کو ناک آؤٹ کر سکتے ہیں کیونکہ ان کی بیٹنگ لائن تو سٹرونگ ہے ہی، ان کے پاس حسن علی بھی ہے جو قذافی کی وکٹ پر ابتدائی اوورز میں کچھ بھی کر سکتا ہے اور آخری اوور میں کسی بیٹ کو بھی باندھ سکتا ہے۔
اسلام آباد یونائیٹڈ کراچی کنگز سے ٹاپ ٹو میں جگہ چرانے کے لیے چار گیمز کے ہارنے کے بعد دوبارہ فارم میں آگئی تھی اور شاید یہ ثابت کر دیا کہ جب وہ چاہیں تو اسے آن کر سکتے ہیں لیکن کوئٹہ گلیڈئیٹرز نے اسلام آباد یونائٹڈ کو بیٹنگ اور باؤلنگ دونوں میں آؤٹ کلاس کر کے بتایا کہ وہ بہرحال بہترین ہیں۔
ابتدائی میچوں میں تجربہ اور فارم اور تال کے بارے میں گڑبڑ نے اسلام آباد یونائٹڈ کو ایک موقع پر پلے آف تک رسائی سے بظاہر بھی محروم کر دیا تھا لیکن کنگز کے ساتھ میچ میں 251 رنز کرنے اور پھر انہیں 172 پر آؤٹ کرنے کے بعد پلے آف میں ان کے ساتھ بعینہِ وہی ہوئی جو انہوں نے کے کے کے ساتھ کی تھی۔
اب تک قذافی اسٹیڈیم بیٹرز کے لیے شاندار رہا ہے لیکن اس سال پہلی اننگز میں 100 (89) سے کم اور چار اننگز 160 یا اس سے کم پر ختم ہوئیں جو وکٹ کے باؤلرز کو بھی بہتر ٹریٹ کرنے کی نشاندہی کرتا ہے۔
اس ترتیب میں کوئٹہ کے خلاف اسلام آباد کا 157 رنز کا مجموعہ بھی شامل تھا جس کا تعاقب ایک گیند باقی تھا اور دو وکٹیں باقی تھیں۔
قذافی میإ ہونے والے حالیہ میچوں میں نو میں سے چھ میچ چیزر نے جیتے ہیں۔ لیکن پہلے پلے آف کا تجربہ آج ٹاس جیتنے والے کیپٹن کو پہلے کھیلنے پر مائل کرے گا۔
کنگز گزشتہ میچ میں یونائیٹڈ کے ہاتھوں عبرتناک شکست کے ساتھ پلے آف تک آ رہے ہیں تاہم انہیں لاہور قلندرز کے ساتھ گزشتہ میچ میں جیتنے کی نفسیاتی برتری حاصل ہے۔
قذافی بہرحال لاہور قلندرز کا سٹیڈیم ہے، آڈئینس کی سپورٹ ان کے بیٹرز اور باؤلرز کو بوسٹ بہرحال دے گی لیکن ڈیوڈ وارنر اور ان کے ساتھ آنے والے بدیسی بیٹر جیمز وِنس ٹم سیفرٹ کے لئے لاہور، کراچی اور دبئی سب ایک جیسی جگہیں ہیں۔
شان مسعود، عمیر یوسف اور عرفان نیازی کے لئے آج کا میچ پرسنل کلاؤٹ بڑھانے کا آخری موقع ہے۔ ٹیل اینڈرز خوشدل شاہ اور محمد نبی نے گزشتہ میچ میں دو اوورز میں 52 رنز کے اضافے سے جو اعتماد حاصل کیا وہ آج کے کے کو کہیں بھی لے جا سکتا ہے۔
لاہور قلندرز کے شاہین، زمان خان اور حارث رؤف کے لئے قذافی کی وکٹ سے وکٹیں حاصل کرنا آج چیلنج ہے کیونکہ سامنے تین بہترین بیٹر ہوں گے جو مل کر سیسہ پلائی دیوار بھی بن سکتے ہیں۔
حسن علی اور میر حمزہ کو آج بہترین کی سلاٹ حاصل کرنے کے لئے ایک دوسرے سے بڑھ کر قلندروں پر جھپٹنا ہو گا۔
قلندرز کی بیٹنگ لائن کو صدمہ
سکندر رضا کو ٹیسٹ میچ کی وججہ سے آج کا میچ چھوڑنا پڑا۔ جبکہ ڈیوڈ ویز اور سیم بلنگز نے انڈیا کے ساتھ جنگ کے وقفہ کے بعد پی ایس ایل میں واپس نہ آنے کا فیصلہ کیا۔ ان تین بیٹرز سے محرومی نے لاہور قلندرز کی بیٹنگ لائن کو فخر زمان اور عبداللہ شفیق پر زیادہ انحصار کرنے پر مجبور کرے گی، ان دو ابتدائی بیٹرز پر دباؤ قلندرز کے لئے اچھا بھی ہو سکتا ہے اور تباہ کن بھی کیونکہ دباؤ بہرحال دباؤ ہے۔
بنگال کا جادو لاہور میں چلے گا؟؟
اپنے کرکٹنگ کیرئیر کے نازک موڑ پر قذافی آ رہے ہیں شکیب الحسن؛ انہیں آج لہوریوں کو بنگال کا جادو دکھانے کا پورا موقع ملے گا، وہ جادو جگا پاتے ہیں یا نہیں، ہاتھ کنگن کو آرسی کیا، ابھی کچھ دیر میں ہم دیکھ لیں گے۔
بنگلہ دیش کے آل راؤنڈر مہدی حسن میراز بھی آج کے پلے آف مین قلندرز کی پلئینگ الیون مین ہوں گے۔ انہین شکیب کے ساتھ خاص طور سے ناک آؤٹ میچوں کے لئے بلایا گیا ہے، اپنی لاہور آمد کو بامعنی اور یادگار بنانے کے لئے دونوں بنگالی بھائیوں نے کچھ بڑا کر دیا تو فراخدِل لہوریوں کا لاہور ان کا دوسرا گھر بھی بن سکتا ہے۔
22 May, 2025
22 May, 2025
22 May, 2025
22 May, 2025
22 May, 2025
22 May, 2025