(سٹی42)موسیقارو گلوکار ساحر علی بگاکیساتھ گانے میں لباس کی وجہ سے تنقید کا نشانہ بننے والی اداکارہ و ماڈل علیزے شاہ نے ساحل سمندر پر سیر کرتے ہوئے ویڈیو شیئر کردی تاہم اداکارہ کی ساحل سمندر پر گانے کے ساتھ ویڈیو نے ان کے مداحوں کو اپنی طرف کھینچ لیا۔
تفصیل کے مطابق ویڈیو میں دیکھا جاسکتا ہے کہ اداکارہ غروب آفتاب کے بعد ساحل سمندر پر چل رہی ہیں ،اس ویڈیو کو ابتک 4 لاکھ 65 ہزار سے زائد بار دیکھا جا چکا ہے اور سینکڑوں افراد نے تبصرے کئے ہیں ،تاہم ویڈیو پر لوگوں نے ملا جلا تبصرہ کیا ہے کچھ لوگوں نے مکمل لباس نہ پہننے پر تنقید کا نشانہ بنایاہے جبکہ دوسروں نے ان کے مضبوط کردار کی تعریف کی ہے ۔
علیزے شاہ کے پرستار نے لکھا کہ مجھے آپ جیسی مضبوط خواتین پر فخر ہے جو نفرت سے نمٹنا جانتی ہے اور مضبوط رہتی ہیں جیسا کہ آپ خوشی کیساتھ اپنی زندگی گزار رہی ہیں ،ایک سوشل میڈیا صارف نے ویڈیو پر اپنے کمنٹس میں کہا کہ آپ کے گانے نے آپ کی معصومیت کو ختم کردیا۔
View this post on Instagram
واضح رہے کہ علیزے شاہ نے عشق تماشہ میں پلوشہ کے کردار میں ہم ایوارڈ جیتاہے، علیزے شاہ نے عہد وفا میں دعا کا کردار ادا کیا اس کے علاوہ حورپری ، جو تو چاہے، میرادل میرادشمن اورتانابانامیں بھی مرکزی کردار ادا کیا۔