ویب ڈیسک: شوبز انڈسٹری کی معروف جوڑی اداکارہ سجل علی اور اداکار احد رضا میر سے متعلق اہم خبر سوشل میڈیا پر گردش کررہی ہے۔
تفصیلات کے مطابق سوشل میڈیا پر سجل علی کے سوشل میڈیا اکاؤنٹ انسٹا گرام کے اسکرین شاٹس تیزی سے وائرل ہو رہے ہیں جس میں دیکھا جا سکتا ہے کہ سجل علی نے اپنے نام کے ساتھ لگا اپنے شوہر، احد رضا میر کا نام ہٹا دیا ہے۔
اس سے قبل انسٹا گرام پر سجل علی کا نام ’سجل احد میر‘ جبکہ اب انہوں نے اپنے نام کے ساتھ احد رضا میر کا نام ہٹاتے ہوئے صرف ’سجل علی‘ لکھ لیا ہے.
واضح رہے کہ گزشتہ ایک سال سے اس خوبصورت جوڑی میں علیحدگی سے متعلق خبریں سوشل میڈیا کی زینت بنی ہوئی ہیں جس پر سجل علی اور احد رضا میر کی جانب سے اب تک کوئی تسلی بخش تردید یا تصدیق نہیں کی گئی ہے۔
یادرہے کہ احد رضا میر نے سجل علی کی چھوٹی بہن اداکارہ صبور علی کی شادی میں بھی شرکت نہیں کی تھی ۔جبکہ سجل علی کاشوہر کا نام اپنے نام سے ہٹانے پرمداح تشویش میں مبتلا ہیں۔واضح رہے کہ گزشتہ ایک سال سے مشہورجوڑی کی علیحدگی سے متعلق خبریں سوشل میڈیا کی زینت بنی ہوئی ہیں لیکن اس حوالے سےسجل علی اور احد رضا میر نے اب تک تردید یا تصدیق نہیں کی.