مانیٹرنگ ڈیسک: واٹس ایپ جلد ہی ایک ایسا فیچر متعارف کروائے گا جس کے تحت صارفین واٹس ایپ پر موصول ہونے والی ویڈیوز اور تصاویر کو صرف ایک ہی بار دیکھ سکیں گے۔
واٹس ایپ کا شمار دنیا کی مقبول ترین ایپس میں کیا جاتاہے۔ اور واٹس ایپ اپنے صارفین کی آسانی کے لیئے نئے نئے فیچر متعارف کرتا رہتا ہے۔ حال ہی میں ایک رپورٹ کے مطابق واٹس ایپ کا ایک اور نیا فیچر متعارف ہونے جا رہا ہے۔ رپورٹ کے مطابق اس فیچر کے تحت صارفین موبائل اسپیس کی بچت بھی کرسکیں گے جب کہ فیچر جلد ہی متعارف کروایا جائے گا۔
WhatsApp will release a feature that allows you to send photos and videos that can only be viewed once. You can also verify if the recipient has opened the media.
— WABetaInfo (@WABetaInfo) June 22, 2021
This feature will be available in a future update on #WhatsApp for Android, iOS and Web/Desktop.@WABetaInfo ???? pic.twitter.com/y1dIBGcDiq
تفصیلات کے مطابق واٹس ایپ جلد ایک فیچر متعارف کروانے والا ہے جو صارفین کو ایسی تصاویر اور ویڈیوز بھیجنے کی اجازت دے گا جو صرف ایک ہی بار دیکھی جاسکیں گی۔ اس فیچر کے ذریعے صارفین کو یہ سہولت مہیا کی جائے گی کہ جس شخص کو پیغام بھیجا جائے گا اس کے دیکھنے کے بعد وہ خود بخود فوری طور پر ڈیلیٹ ہوجائے گا۔ آسان الفاظ میں اس فیچر کو ان ایبل کرنے کے بعد آپ کا بھیجا گیا پیغام صرف ایک بار ہی کھل سکے گا اور اس کے بعد ڈیلیٹ ہو جائے گا۔