سٹی42:شہر لاہور میں میں برائلر کی رسد میں بہتری کے باعث قیمت میں کمی ریکارڈ کی گئی اورمرغی کا گوشت8 روپے فی کلو سستا ہو گیا اور فارمی انڈے 3 روپے فی درجن کمی کے بعد 104 روپے کے ہو گئے، تاہم پولٹری فارمرز کاُ کہنا ہے کہ غیر یقینی صورتحال کے باعث قیمت کم ہوئی تھی اب برائلر کی قیمت واپس اصل صورتحال پر آ رہی ہے۔
تفصیلات کے مطابق لاہورشہر میں برائلر کی رسد میں بہتری کے باعث قیمت میں کمی ریکارڈ کی گئی، مرغی 5 روپے کمی کے بعد 132روپے کلو فروخت جبکہ مرغی کا گوشت 8 روپے کمی کے بعد 197 روپے فی کلو ہو گیا اور فارمی انڈے 3 روپے فی درجن کمی کے بعد 104 روپے کے ہو گئے۔
یاد رہے کہ گزشتہ ہفتے مرغی کا گوشت 29 فی کلو مہنگا ہوا تھا، زندہ مرغی 3 روپے اضافے کے بعد 139 روپے جبکہ مرغی کا گوشت 5 روپے اضافے کے بعد 202 روپے فی کلو فروخت ہوتا رہا اور فارمی انڈے 107 روپے فی درجن تک فروخت ہوتے رہے ۔ لاہوریوں کا کہنا ہے کہ حکومت فوری طور پر موجودہ حالات کو مد نظر رکھتے ہوئے برائلر کی بڑھتی ہوئی قیمت کو مزید کم کروائے۔
واضح رہے کہ گزشتہ ماہ شہر میں برائلر کی قیمت میں نمایاں کمی ریکارڈ کی گئی تھی اور مرغی کا گوشت ایک ہفتے میں 28روپے فی کلو تک سستا ہوا تھا لیکن یہ کمی اس طرہ سے برقرار نہ رہ سکی اور آج بدھ کے روز شہر میں زندہ مرغی 5 روپے کمی کے بعد 132 روپے جبکہ مرغی کا گوشت8 روپے کمی کے بعد 191 روپے فی کلو سستا ہوا ہے اور اگر بات کی جائے فارمی انڈوں کی تو فارمی انڈے 104 روپے فی درجن فروخت ہو رہے ہیں۔
ماہ رمضان کی آمد کے ساتھ ہی شہر میں منافع خور مافیا سرگرم ہو گیا اور سرکاری نرخنامے پر ہی آلو، پیاز، لہسن، ادرک سمیت دیگر سبزیوں کی قیمتوں میں 1 روپے سے لے کر 15 روپے فی کلو تک کا اضافہ کر دیا گیا ۔