ویب ڈیسک:عالمی اور مقامی مارکیٹ میں سونے کی قیمت میں دو روز کمی کے بعد اضافہ ریکارڈ  کیا گیا ہے، فی تولہ سونا 2 ہزار روپے اور فی اونس 20 ڈالر مہنگا ہوگیا ہے۔

 آل پاکستان صراف اینڈ جیولرز ایسوسی ایشن سے جاری اعداد و شمار کے مطابق پاکستان میں فی تولہ سونا 2 ہزار روپے مہنگا ہوکر تین لاکھ 57  ہزار 200 روپے اور دس گرام 1715 روپے بڑھ کر 3 لاکھ 6 ہزار 241 روپے کا ہوگیا۔

 رپورٹ کے مطابق عالمی مارکیٹ میں سونے کے فی اونس نرخ 20 ڈالر اضافے سے 3345 ڈالر تک پہنچ گئے۔

 اعداد و شمار کے مطابق پاکستان میں فی تولہ چاندی کی قیمت 78 روپے اضافے سے 4013 روپے اور عالمی مارکیٹ میں فی اونس نرخ 0.78 ڈالر بڑھ کر 37.80 ڈالر ہوگئے۔