ویب ڈیسک: ہالی وڈ کی جاسوسی سے متعلق معروف زمانہ فلم سیریز جیمز بانڈ کی 25 ویں فلم ’نو ٹائم ٹو ڈائے‘ کو اب اکتوبر کے بجائے ستمبر میں ہی ریلیز کیا جائے گا۔
تفصیلات کے ماطابق فلم کے آفیشل ٹوئٹر ہینڈل سے کی گئی ٹوئٹ میں تصدیق کی گئی کہ فلم کا ورلڈ پریمیئر 28 ستمبر کو لندن میں منعقد کیا جائے گا اور اس دوران ریڈ کارپٹ پر اداکار جلوے بھی بکھیرتے نظر آئیں گے۔ٹوئٹ میں تصدیق کی گئی کہ ورلڈ پریمیئر میں فلم کے ہدایت کار، پروڈیوسر اور اداکار شرکت کریں گے۔رپورٹ کے مطابق ورلڈ پریمیئر کے بعد 20 ستمبر کو فلم کو برطانوی سینما ہاؤسز میں ریلیز کرنے کے بعد ترتیب وار دیگر ممالک میں بھی جاری کیا جائے گا۔نو ٹائم ٹو ڈائے‘ کو 8 اکتوبر کو امریکا میں ریلیز کیا جائے گا۔
The World Premiere for #NoTimeToDie will take place on Tuesday 28 September 2021 at London’s @RoyalAlbertHall. Producers Michael G. Wilson, Barbara Broccoli and director Cary Joji Fukunaga will join Daniel Craig on the red carpet. pic.twitter.com/EhlCPira6f
— James Bond (@007) August 20, 2021
فلم کو ریلیز کرنے کے تازہ اعلان سے قبل کورونا کی وبا کے باعث ’نو ٹائم ٹو ڈائے‘ کی نمائش 5 بار ملتوی کی گئی تھی۔فلم ’نو ٹائم ٹو ڈائے‘ کو ابتدائی طور پر اپریل 2020 میں ریلیز کیا جانا تھا مگر کورونا کی وبا کے باعث اس کی نمائش ملتوی کی گئی تھی۔ بعد ازاں ٹیم نے فلم کو اکتوبر 2020 میں ریلیز کرنے کی اُمید ظاہر کی تھی مگر پھر اسے نومبر 2020 تک مؤخر کیا گیا تھا۔لیکن نومبر میں بھی اس کی ریلیز نہ ہوسکی تو اسے اپریل 2021 میں ریلیز کیے جانے کا اعلان کیا گیا تھا۔ 
جیمز بانڈ سیریز کی 25 ویں فلم کی کہانی کی دلچسپت بات یہ ہے کہ اس بار جاسوس جیمز بانڈ کو امریکی خفیہ ادارے سی آئی اے سے تعلق رکھنے والے ایک دوست سے مدد مانگتے ہوئے دکھایا جائے گا جب کہ اس بار جیمز بانڈ کے کردار کو فلم میں ریٹائر ہوکر عام زندگی کی طرف لوٹتے ہوئے بھی دکھایا جائے گا۔فلم کی کہانی کے مطابق آخر میں مشن کی کامیابی کے بعد جیمز بانڈ ریٹائرڈ ہوجائیں گے، جس کے بعد ان کی ذمہ داریاں ممکنہ طور پر ایک خاتون کو دی جائیں گی جو سیریز کی اگلی فلم میں جاسوس کے روپ میں دکھائی دیں گی۔جیمز بانڈ کی اگلی یعنی 26 ویں فلم وہ پہلی فلم ہوگی جس میں برطانوی جاسوس جیمز بانڈ کا کردار کوئی خاتون یعنی لشانا لائنچ ادا کرتی دکھائی دیں گی۔