ویب ڈیسک: سب میرین کیبل پر ری کنفیگریشن کا عمل مکمل ہوگیا۔آج ملک میں انٹرنیٹ سروسز میں تعطل کا کوئی امکان نہیں۔
پاکستان ٹیلی کمیونی کیشن اتھارٹی (پی ٹی اے)کے مطابق بین الاقوامی سب میرین کیبل، ایس ایم ڈبلیو 4 کے ایک حصے پر پاور کی ری کنفیگریشن سرگرمی آج اپنے شیڈول کے مطابق مکمل ہوگئی ہے۔
پی ٹی اے کا کہنا ہےکہ یہ ایک معمول کی طے شدہ دیکھ بھال اور مرمت کی سرگرمی تھی۔
پی ٹی اے کے مطابق ملک بھر میں تمام انٹرنیٹ خدمات معمول کے مطابق ہیں۔
✅ بین الاقوامی سب میرین کیبل، ایس ایم ڈبلیو4 کے ایک حصے پر پاور کی ری کنفیگریشن سرگرمی آج (21 اپریل 2022) کی صبح 03:00 بجے اپنے شیڈول کے مطابق مکمل ہو گئی ہے۔
— PTA (@PTAofficialpk) April 21, 2022
یہ ایک معمول کی طے شدہ دیکھ بھال/مرمت کی سرگرمی تھی. ملک بھر میں تمام انٹرنیٹ خدمات معمول کے مطابق ہیں. https://t.co/vONDPNrbFK
واضح رہے کہ دو روز قبل پی ٹی اے نے خدشے کا اظہار کیا تھا کہ اکیس اپریل کی رات 2 بجے سے صبح 7 بجے تک پاکستان میں صارفین کو انٹرنیٹ کی رفتار میں کمی کا سامنا ہوسکتا ہے۔
پی ٹی اے کے مطابق بین الاقوامی سمندری پاور کیبل کے ایک حصے پر پاور کی ری کنفیگریشن سرگرمی کے باعث انٹرنیٹ رفتار میں کمی آنے کے امکانات تھے۔