(سٹی 42) دنیا بھر میں تباہی مچانے والےکورونا وائرس نے پاکستان میں بھی پنجے گاڑ لیے، گزشتہ 24 گھنٹوں کے دوران ملک میں کورونا وائرس سے مزید 24 ہلاکتیں ہوئیں جس کے بعد ہلاکتوں کی مجموعی تعداد 189 ہوگئی جبکہ 820 نئے کیسز سامنے آنے کے بعد متاثرہ مریضوں کی تعداد 9130 تک پہنچ گئی۔ 

باغوں کے شہر لاہور  میں بھی کورونا وائرس کے حملے جاری ہیں، مہلک وائرس مزید 2 افراد کی زندگیاں نگل گیا، جس کے بعد لاہور میں وائرس سے جاں بحق ہونے والوں کی تعداد 20 ہوگئی، میوہسپتال میں اب تک کورونا وائرس میں مبتلا 14 مریض جان کی بازی ہار چکے ہیں۔

وزیراعلیٰ پنجاب سردار عثمان بزدار  نے سماجی رابطوں کی ویب سائٹ ٹویٹر پر  پنجاب میں کورونا کے  مریضوں کےاعدادو شمار جاری کیے جس کے مطابق پنجاب میں اس وقت کورونا کے 4195 مریض ہیں، تبلیغی جماعت کے1857  افراد، 743 زائرین،97 قیدیوں اور 1498 عام شہریوں میں کورونا وائرس کی تصدیق ہوئی ہے،   کورونا وائرس سے اب تک پنجاب میں کل 45 اموات ہوچکی ہیں جبکہ 724 افراد صحت یاب ہو چکے ہیں، 14 مریضوں کی حالت تشویشنا ک ہے۔

Punjab's #COVID19 stats as on 20th April:
Tests conducted so far: 60,649
Total positive cases: 4,195
Quarantined:
Tableeghi Jama’ats: 1,857
Zaireen: 743
Jail Prisoners: 97
Non-quarantined cases in Districts: 1,498
Deaths: 45
Recovered: 724
Critical: 14#PunjabCoronavirusUpdate

— Usman Buzdar (@UsmanAKBuzdar) April 20, 2020

لاہور میں کورونا وائرس کے سب سے زیادہ 629 کنفرم مریض ہیں، روالپنڈی میں 175، جہلم میں 33، اٹک میں 11، چکوال میں 4، گجرانوالہ میں 68، سیالکوٹ میں 56، نارووال میں5، گجرات میں 155، حافظ آباد میں 11، منڈی بہاؤ الدین میں 12، ملتان میں 31، وہاڑی میں 35،  شیخوپورہ میں 18، قصور میں 10، فیصل آباد میں 50، چنیوٹ میں 8، جھنگ میں 33، رحیم یار خان میں56، سرگودھامیں 25، میانوالی میں 12، خوشاب میں4، بہاولنگر میں 8، بہاولپور میں 11، لودھراں میں 3، ڈی جی خان میں 21، پاکپتن میں 3، ٹی ٹی ایس میں 7  اور ننکانہ صاحب، لیہ، اوکاڑہ، خانیوال میں 1،1  کورونا کے کنفرم مریض ہیں۔

District wise details (Non-quarantine):
Lahore 629, Nankana Sahib 1, Kasur 10, Shiekhupura 18, Rawalpindi 175, Jhelum 33, Attock 11, Chakwal 4, Gujranwala 68, Sialkot 56, Narowal 5, Gujrat 155, Hafizabad 11, Mandibahuddin 12, Multan 31, Khanewal 1, Vehari 35,

— Usman Buzdar (@UsmanAKBuzdar) April 20, 2020

یاد رہے کہ 24 مارچ سے لاہور سمیت پنجاب بھر میں  کورونا وائرس کا پھیلاؤ روکنے کیلئے لاک ڈاؤن نافذ ہے ، لاہور میں آج لاک ڈاؤن کا 29 واں روز ہے،  تمام  شاپنگ مالز، مارکیٹیں، تعلیمی ادارے، سینما گھر، شادی ہالز،  سیاحتی مقامات اور پارکس بند ہیں، ؂پبلک ٹرانسپورٹ ،ریلوے کا پہیہ جام ہے،کھیلوں کے میدانوں پر تالے لگے ہیں۔