ویب ڈیسک: اگست کی فیول پرائس ایڈجسٹمنٹ کے تحت کراچی کے صارفین کے لیے فی یونٹ بجلی 4 روپے 21 پیسے سستی ہونےکا امکان ہے۔

کےالیکٹرک کی طرف سے نیپرا میں جمع کرائی گئی درخواست میں اگست کی فیول چارجز ایڈجسٹمنٹ کے ذریعے فی یونٹ بجلی 4 روپے 21 پیسے سستی کرنےکی تجویز دی گئی ہے، اتھارٹی 29 ستمبر کو درخواست کی سماعت کے بعد فیصلہ کرےگی۔درخواست مکمل منظوری کی صورت میں کے الیکٹرک کے صارفین کو 7 ارب 21کروڑ روپے کا ریلیف مل سکےگا ۔