(سٹی42) وزیراعلیٰ پنجاب سردار عثمان بزدار کا کہنا ہے کہ تحریک انصاف ملک میں مثبت تبدیلی کی علامت بن  گئی ہے، مشکل وقت زیادہ دیر نہیں رہے گا، جلد عوام کی مشکلات دور ہوں گی۔

تفصیلات کے مطابق وزیراعلیٰ پنجاب سردار عثمان بزدار سے مختلف اضلاع کے اراکین اسمبلی نے ملاقات کی۔ دوران ملاقات وزیراعلیٰ پنجاب نے کہا کہ بجٹ میں عام آدمی کی ضروریات کو ملحوظ خاطر رکھا گیا ، تعلیم، صحت و دیگر شعبوں کی بہتری کیلئے اقدامات کیے جارہے ہیں۔

انہوں نے کہا کہ شفافیت، سادگی، کفایت شعاری تحریک انصاف کا طرہ امتیاز ہے۔ کرپٹ عناصر کی اس صوبے میں کوئی گنجائش نہیں، کرپشن کے خلاف زیرو ٹالرنس پالیسی بنائی گئی ہے۔

وزیراعلیٰ پنجاب نے کہا کہ اپوزیشن حکومت کی توجہ مسائل سے ہٹانا چاہتی ہے، مخالفین اپنا سیاسی مستقبل تاریک دیکھ کر خوفزدہ ہوچکے ہیں۔