سٹی 42: اسلام آباد کی مقامی مٹھائی کی دکان میں ٹوپی اور ماسک پہنے رس ملائی لینے کیلئے ایک شخص سماجی فاصلے کی پاسداری اور اپنی باری کے انتظار میں آدھا گھنٹہ قطار میں گزار دیتا ہے۔سی سی ٹی وی فوٹیج آنے پر پتہ چلتا ہے کہ یہ کوئی اور شخص نہیں بلکہ مملکت خداد اد پاکستان کے سربراہ ڈاکٹر عارف علوی ہیں۔
سماجی رابطے کی ویب سائٹ ٹوئٹر پر عارف علوی کے بیٹے عواب علوی نے گزشتہ دنوں نیوزی لینڈ کی وزیر اعظم جیسنڈا کی مشہور ہونے والی کیفے میں انتظار کرنے کا واقعہ پر رد عمل دیتے ہوئے اپنے والد کی بھی اسٹوری شیئر کی ۔عواب علی کا کہنا تھا کہ اُن کے والد جمعے کے روز بغیر کسی پروٹوکول کے رس ملائی لینے پہنچے تھے، جہاں انہیں عام شہری سمجھا گیا اور آس پاس کے لوگ پہچاننے سے قاصر رہے۔
بعد ازاں مقامی مٹھائی کی دکان نے اپنے سوشل میڈیا اکاؤنٹ پر سی سی ٹی وی فوٹیج شیئر کی جس میں دیکھا جاسکتا ہے کہ ایک ماسک میں چہرہ چھپائے ڈاکٹر عارف علوی رس ملائی کیلئے دکان میں داخل ہوتے ہیں اور لائن میں لگ جاتے ہیں۔اس کے بعد وہ باری آنے پر آرڈر دیتے ہیں اور پیچھے جاکر ایک فاصلے پر کھڑے ہوجاتے ہیں تاکہ سیلزمین باقی گاہکوں کو ڈیل کرسکیں اور پھر اپنا سامان لے کر واپسی کی راہ لیتے ہیں۔
It was shocking for us to receive President of Pakistan Dr Arif Alvi as a customer.He was standing in que like Normal customer. Wish we knew he was Pakistan President Dr. Arif Alvi we would have served him special Ras Malai.@ArifAlvi pic.twitter.com/uuHsxz1Wze
— Jameel Sweets (@SweetsISB) May 17, 2020
یہاں دلچسپ بات یہ ہے کہ آس پاس کھڑے دیگر کسٹمرز بھی صدر مملکت کو پہچاننے سے قاصر رہے۔سماجی رابطے کی ویب سائٹ ٹوئٹر پر دکان مالکان نے صدر عارف علوی کی ویڈیو شئیر کرتے ہوئے کہا کہ یہ ہمارے لئے حیران کن تھا کہ ہم نے صدر پاکستان کو بطور ایک عام گاہک ریسیو کیا۔
ویڈیو شیئر کرنے والے صارف کا کہنا تھا کہ صدر عارف علوی کو اس طرح قطار میں لگے دیکھنا حیران کُن تھا، اگر ہم انہیں بروقت پہچان لیتے تو لازماً انہیں اسپیشل رس ملائی تحفے میں دیتے۔