(ویب ڈیسک)بھارتی کرکٹ ٹیم کے آل راؤنڈر ہاردک پانڈیا کی ذاتی زندگی  گزشتہ کچھ عرصہ اتار چڑھاؤ  کا شکار رہی، لیکن ماہیکا شرما کے ساتھ ان کا نیا سفر ان کے مداحوں کے لیے خوشی کا باعث ہے۔ 25 سال کی عمر میں ماہیکا شرما نہ صرف ہاردک  پانڈیاکا دل جیت چکی ہیں بلکہ لاکھوں مداحوں کی پسندیدہ بن چکی ہیں۔پانڈیا نے  ماہیکا کی سالگرہ کے موقع کو یادگار بنانے میں کوئی کسر نہیں چھوڑی، سوشل میڈیا پر ایک ویڈیو اپ لوڈ  کرکے گہری محبت کا اظہار کر دیا۔

 بھارتی ذرائع ابلاغ کی رپورٹ کے مطابق اسٹار آل راؤنڈر ہاردک  پانڈیا ایک بار پھر اپنی ذاتی زندگی کے حوالے سے میڈیا کی خبروں کی زینت بنے ہوئے  ہیں۔ اس بار موقع بہت خاص تھا، انکی گرل فرینڈ اور ماڈل ماہیکا شرما کی 25 ویں سالگرہ اور   یہ سالگرہ ان کے لیے نہ صرف ایک سال اور بڑا ہونے کا جشن تھا بلکہ ایک نئے رشتے کی عوامی شروعات بھی تھی ۔پانڈیا نے اس موقع کو یادگار بنانے میں کوئی کسر نہیں چھوڑی، سوشل میڈیا پر ایک ویڈیو اپ لوڈ کرتے ہوئے اور انتہائی جذباتی پیغام کے ساتھ اپنی لیڈی لو سے محبت کا اظہار کیا۔

ہاردک پانڈیا نے اپنے آفیشل سوشل میڈیا ہینڈل پر ماہیکا شرما کے ساتھ ایک ویڈیو شیئر کی۔ ویڈیو کے ساتھ انہوں نے جو کیپشن لکھا اس نے مداحوں کے دل جیت لئے۔ ہاردک نے لکھا، ’’ہیپی برتھ ڈے مائی پرنسیز … 25 سال پہلے اس دنیا میں آنے کے لیے آپ کا شکریہ۔ آپ سب سے حیرت انگیز لوگوں میں سے ایک ہیں جنہیں میں جانتا ہوں۔ میں آپ سے پیار کرتا ہوں‘‘۔ اس پوسٹ کے بعد  تیزی سے آن لائن مبارکبادوں کا سلسلہ شروع ہو گیا۔ ہاردک کے لفظوں میں محبت اور احترام واضح طور پر ظاہر کرتا ہے کہ ماہیکا ان کی زندگی میں کتنی اہمیت رکھتی ہیں ۔

Hardik Pandya celebrating his girlfriend Mahieka Sharma’s birthday at the team hotel in Ahmedabad. pic.twitter.com/OAQup07dgw

— Sonu (@Cricket_live247) February 20, 2026

واضح رہے کہ ماہیکا شرما ایک ماڈل اور سوشل میڈیا انفلوئنسر ہیں۔ کچھ عرصے سے انکے تعلقات کے بارے میں قیاس آرائیاں کی جا رہی تھیں لیکن سالگرہ کی اس پوسٹ نے باضابطہ طور پر ان تمام قیاس آرائیوں کو ختم کر دیا ہے۔ ماہیکا نہ صرف اپنی خوبصورتی بلکہ اپنی سادگی اور شخصیت کیلئے بھی جانی جاتی ہیں۔ ہاردک نے اسے “حیرت انگیز” کے طور پر حوالہ دیا، جو ان کے اشتراک کردہ گہرے بندھن کی عکاسی کرتا ہے۔ ماہیکا شرما جمعرات، 19 فروری کو 25 سال کی ہو گئیں۔

میڈیا رپورٹ مین ذرائع کے حوالے سے بتایا ہے کہ پانڈیا نے ماہیکا کی 25ویں سالگرہ کے موقع پر ایک پرائیویٹ لیکن شاندار پارٹی کی میزبانی کی۔ پارٹی میں ان کے چند قریبی دوست اور خاندان کے افراد نے شرکت کی۔ سجاوٹ میں ماہیکا کے پسندیدہ پھول اور رنگ استعمال کئے گئے۔ کیک کاٹنے کی تقریب کے دوران ہاردیک اور ماہیکا کی کیمسٹری قابل دید تھی۔ ہاردک پانڈیہ کی پوسٹ کو ان کے بھارتی ساتھیوں اور بالی ووڈ کی مشہور شخصیات کی طرف سے بہت پیار ملا۔