ویب ڈیسک: قومی کرکٹ ٹیم کے فاسٹ بولر حسن علی کی انگلی میچ کے دوران زخمی ہوگئی جس کے بعد وہ لنکا پریمیئر لیگ کے بقیہ میچز سے باہر ہوگئے۔
لنکا پریمئیر لیگ (ایل پی ایل) میں دمبولا اورا کی نمائندگی کرنے والے قومی پیسر حسن علی گال ٹائٹنز کے خلاف پلے آف میچ کے دوران انگلی کی انجری کا شکار ہوئے۔
سماجی رابطے کی سائٹ ایکس ( سابقہ ٹوئٹر) پر حسن علی نے اپنی انجری کی اطلاع دیتے ہوئے لکھا کہ میچ کے دوران لگنے والی چوٹ کے بعد ان کی سرجری ہوئی ہے۔
Saddened to share that I suffered a finger injury during our qualifier yesterday and had to go through a surgery for it. A pretty unfortunate end to a great tournament for me personally however will like to look at the positives and thank my team management and medical staff for…
— Hassan Ali ???????? (@RealHa55an) August 18, 2023
انہوں نے لکھا کہ میرے لیے ذاتی طور پر ٹورنامنٹ کا یہ افسوس ناک اختتام ہے البتہ میں اپنی ٹیم منیجمنٹ اور میڈیکل اسٹاف کا مشکور ہوں جنہوں نے میرا خیال رکھا۔
خیال رہے کہ پاکستان کرکٹ ٹیم نے رواں ماہ افغانستان کیخلاف تین ون ڈے میچزکی سیریز کھیلنی ہے جس کے بعد ایشیا کپ ہوگا، ان دونوں ایونٹس میں حسن علی قومی اسکواڈ کا حصہ نہیں ہیں۔