سٹی 42:عوام سڑکوں پر آگئی ،گلیوں ،بازاروں میں فوجی دستوں کا گشت ،ملک کے صدر کو گر فتار کرلیا گیا، پارلیمنٹ تحلیل ،گرفتار صدر مستعفی ہوگئے۔
افریقی ملک مالی میں فوجی بغاوت کے نتیجے میں صدر ابراہیم ابو بکر کیٹا اور کابینہ اراکین کو گرفتار کر لیا گیا۔ مالی میں گزشتہ کئی ماہ سے کرپشن اور بدترین سیکیورٹی صورت حال کے خلاف جاری مظاہروں کے بعد بالآخر فوج نے مداخلت کرتے ہوئے حکومت کا تختہ الٹ دیا۔
Mali's president resigns to avoid 'bloodshed'
— Urban Television (@UrbanTVUganda) August 19, 2020
"If it pleased certain elements of our military to decide this should end with their intervention, do I really have a choice?...I don't want any bloodshed.''
DETAILS | https://t.co/87UGEehrhe | #UrbanUpdates #VisionUpdates pic.twitter.com/bz6mLW5IGc
فوج کی جانب سے گرفتاری کے چند گھنٹوں بعد ہی مالی کے صدر ابراہیم ابو بکر کیٹا نے مستعفی ہونے کا اعلان کرتے ہوئے حکومت تحلیل کر دی۔فوجی بیس سے اپنے پیغام میں مستعفی صدر ابراہیم ابو بکر کیٹا کا کہنا تھا کہ اگر ہماری فوج کے کچھ عناصر مداخلت چاہتے ہیں تو کیا میرے پاس کوئی آپشن باقی رہ جاتا ہے، اپنے اقتدار کے لیے ملک میں خوں ریزی نہیں چاہتا اس لیے عہدے سے مستعفی ہونے کا اعلان کرتا ہوں۔
یورپی یونین اور افریقی یونین کی جانب سے مالی میں فوجی بغاوت کی مذمت کی گئی ہے جب کہ اقوام متحدہ نے مالی کے صدر سمیت گرفتار رہنماؤں اور کابینہ اراکین کی فوری رہائی کا مطالبہ کیا ہے۔ مالی کی صورت حال پر غور کے لیے سلامتی کونسل کا ہنگامی اجلاس آج ہو گا۔