سٹی42: مکیش امبانی نے برطانیہ کا غیر معمولی رہائشی عمارات اور پر تعیش تفریح کے لئے مشہور اسٹوک پارک خرید لیا۔
انڈیا کے امیر ترین بزنس مین مکیش امبانی کے برطانیہ کا مشہور اسٹوک پارک خرید نے کی خبرین بھارت کے میڈیا میں نمایاں جگہ پا رہی ہیں۔
معلوم ہوا ہے کہ مکیش امبانی کی کمپنی ریلائنس انڈسٹریز لمیٹڈ نے اسٹوک پارک لمیٹڈ کو 79 ملین ڈالرز میں خریدا ہے۔رپورٹ میں بتایا گیا ہے کہ اسٹوک پارک کو خریدنے کا معاہدہ ریلائنس انڈسٹریز کے برطانیہ میں قائم ایک یونٹ کے ساتھ ہوا ہے جو بکنگھم شائر میں ایک ہوٹل، کھیلوں اور کئی تفریحی سہولیات کا مالک ہے۔
اس رہائشی اور تفریحی کمپلیکس کی ملکیت حاصل کرنے کے بعد برطانیہ میں ریلائنس کے اثاثوں میں مزید اضافہ ہوجائے گا۔اگرچہ اسٹوک پارک کی 900 سال سے زیادہ پرانی تاریخ ہے لیکن اس کی سرکاری ویب سائٹ کے مطابق اسے 1908 تک نجی رہائش گاہ کے طور پر استعمال کیا جاتا تھا۔ انچاس 49 پرتعیش بیڈ رومز اور سوئٹس، گولف کورس، 13 ٹینس کورٹ اور 14 ایکڑ نجی باغات پر مبنی یہ پراپرٹی امیر سیاحوں کو اپنی طرف متوجہ کرتی ہے۔
اسٹوک پارک کو جیمز بانڈ کی دو فلموں، نیٹ فلکس سیریز بریجٹ جونسز ڈائری اور دی کران کی شوٹنگ کے لیے بھی استعمال کیا جا چکا ہے۔اس پراپرٹی کا رولنگ گالف کورس اس وقت سے بہت مشہور ہے جب جیمز بانڈ نے 1964 میں وہاں اورک گولڈ فنگر کے ساتھ ایک گیم کھیلی تھی۔