شارخ ندیم: باب پاکستان رمضان بازار میں دوسرے روز بھی چینی غائب، رمضان بازارمیں مٹن اور بیف کے سٹالز ہی نہیں لگائے گئے۔خریداروں کی جانب سے پھلوں کی قیمتوں میں کمی کا مطالبہ کیا گیا۔

باب پاکستان رمضان بازار میں دوسرے روز بھی انتظامات تو بہتر رہے مگر سہولیات کا فقدان رہا ،چینی کا سٹال تو لگایا گیا مگر چینی غائب رہی جبکہ مٹن اور بیف کا سٹال نہیں نظرآیا۔ لیموں کی قیمت میں گزشتہ روز کی نسبت اضافہ نظر آیا .

لیموں 150 سے بڑھ کر 180 روپے کلو فروخت ہوتا رہا جبکہ صرف فئیر پرائس شاپ پر ہی لیموں دستیاب رہا، سیب 150، آم 145، چکن 266، آڑو 120 روپے کلو فروخت ہوتا رہا، خریداروں کی جانب سے پھلوں کی قیمتوں میں کمی کا مطالبہ کیا گیا۔