ویب ڈیسک: دنیا کی مشہور ترین اور شہرہ آفاق امریکی تصوراتی ڈرامے " گیم آف تھرونز" میں جان سنو اور یگریتے کا کردار ادا کرنے والی اداکار جوڑی کٹ ہیرنگٹن اور روز لیزلی کے ہاں پہلے بچے کی پیدائش ہوگئی۔
غیرملکی میڈیا کے مطابق کٹ ہیرنگٹن اور روز لیزلی کے معاملات دیکھنے والے منیجمنٹ ادارے نے تصدیق کی کہ جوڑے کے ہاں پہلے بچے کی پیدائش ہوگئی ہے۔ ٹیم کا کہنا تھا کہ ہیرنگٹن اور روز لیزلی کے ہاں بیٹے کی پیدائش ہوئی ہے، تاہم ٹیم نے مزید کوئی تفصیلات نہیں بتائیں۔ کٹ ہیرنگٹن اور روز لیزلی کے ہاں پہلے بچے کی پیدائش پر ان کے ساتھی اداکاروں اور مداحوں نے انہیں مبارک باد پیش کی اور ان کے لئے نیک خواہشات کا اظہار بھی کیا۔
Its a boy! pic.twitter.com/n09xsbsqYq
— Kit Harington (@Kit_Haringtcn) February 16, 2021
واضح رہے کہ کٹ ہیرنگٹن اور روز لیزلی نے ستمبر 2020 میں اعلان کیا تھا کہ ان کے ہاں جلد بچے کی پیدائش متوقع ہے، تاہم انہوں نے یہ واضح نہیں کیا تھا کہ ان کے ہاں کب تک بچے کی ولادت ہوگی۔ دونوں نے " گیم آف تھرونز" میں بھی ایک دوسرے کے پریمیوں کا کردار ادا کیا تھا، تاہم ڈرامے میں سیاست، قبائل و خاندانی دشمنی کے باعث انہیں ایک نہیں ہونے دیا جاتا۔
حقیقی زندگی میں دونوں نے جون 2018 میں چند سال تک تعلقات میں رہنے کے بعد برطانوی ریاست اسکاٹ لینڈ میں " گیم آف تھرونز" کی تھیم پر شادی کی تھی۔