سٹی 42 : انٹر بینک میں سستا ہونے کے بعد اوپن مارکیٹ میں ڈالر کی قیمت میں اضافہ ہوگیا۔ 

سٹیٹ بینک کے مطابق انٹر بینک میں امریکی ڈالر کی قدر میں  5 پیسے کمی ہوئی، انٹر بینک میں ڈالر 280.22  روپے سے کم ہوکر  280.17 روپے پر بند ہوا ۔ 

دوسری جانب اوپن مارکیٹ میں امریکی ڈالر3 پیسے مہنگا ہوکر 281.98 روپے پر پہنچ گیا ۔ اوپن مارکیٹ میں یورو 32 پیسے مہنگا ہوکر 306.95 روپے، برطانوی پاؤنڈ 12 پیسے اضافے سے 364.94 روپے، یو اے ای درہم 1 پیسے بڑھ کر 76.75 روپے کا ہوگیا ۔ اس کے علاوہ اوپن مارکیٹ میں سعودی ریال 1 پیسے کم ہوکر 75.24 روپے پر پہنچ گیا۔ 

ماہرین کا کہنا ہے کہ تین ماہ میں درآمدی بل 15 ارب ڈالر پر پہنچے پر روپے پر پریشر ہے ۔