ویب ڈیسک : وزیراعظم عمران خان کا روسی صدر ولادی میر پیوٹن سے رابطہ ہوا، توہین رسالت کیخلاف روسی صدرپیوٹن کے بیان کو سراہا۔
وزیراعظم عمران خان کاروس کےصدرولادی میرپیوٹن سے ٹیلیفونک رابطہ ہوا،اعلامیہ کے مطابق دونوں رہنماؤں نے دوطرفہ تعاون، باہمی دلچسپی کے علاقائی اوربین الاقوامی امورپرتبادلہ خیال کیا ۔
وزیراعظم نے توہین رسالت کیخلاف روسی صدرپیوٹن کے بیان کو سراہتے ہوئےکہاکہ روسی صدرنے رسول اللہ ﷺسےمتعلق مسلمانوں کےجذبات اورحساسیت کو سمجھا۔
وزیراعظم عمران خان نےکہاکہ پاکستان کےروس کےساتھ دوطرفہ تعلقات بہتری کی جانب گامزن ہیں،جس میں تجارتی واقتصادی تعلقات اورتوانائی کے تعاون پرتوجہ مرکوزکی گئی ہے۔پرامن اورمستحکم افغانستان علاقائی استحکام کیلئے اہم ہے،افغانستان کو سنگین انسانی اورمعاشی چیلنجزکا سامناہے، اس نازک موڑپرافغانستان کےعوام کیلئے بین الاقوامی برادری کی حمایت انتہائی اہمیت کی حامل ہے ۔
پاک روس قیادت نے پاکستان اسٹریم گیس پائپ لائن منصوبے کی جلد تکمیل عزم کا اعادہ کیا۔بات چیت میں دونوں رہنماؤں نے دوطرفہ تعاون،اعلیٰ سطح کےتبادلے بڑھانے اورافغانستان سےمتعلق معاملات پرقریبی رابطے میں رہنے پراتفاق کیا اور ایک دوسرے کو پاکستان اورروس کے دورے کی دعوت بھی دی۔
صدر پیوٹن سےبنیادی طور پر انکےاس دوٹوک بیان کہ آزادئ اظہارکسی طور ہمارےرسولِ محترم ﷺ کی شانِ اقدس میں گستاخی کا جوازنہیں ہوسکتی،کی تحسین و توصیف کیلئےرابطہ کیا۔آپ وہ پہلےمغربی رہنما ہیں جنہوں نےاہلِ اسلام کےاپنےمحبوب پیغمبر ﷺ سےمتعلق جذبات کے حوالےسےہمدردی وحساسیت کامظاہرہ کیا۔
— Imran Khan (@ImranKhanPTI) January 17, 2022