(سعید احمد) راولپنڈی سے لاہور آنیوالی سبک رفتار ریل کار کا شاہدرہ کے قریب انجن فیل ہو گیا، انجن فیل ہونے سےمسافر خوار ہوگئے، دو گھنٹے کے بعد ریلیف انجن ملنے کے بعد ٹرین لاہور ریلوے سٹیشن پہنچی۔
ذرائع کے مطابق راولپنڈی سے آنے والی ٹرین 102 ڈاون سبک رفتار کا شاہدرہ کے مقام پرانجن فیل ہوگیا، دو گھنٹے تک ریلیف انجن کا انتظار کرتے مسافروں کی ڈرائیور سے تلخ کلامی بھی جاری رہی، جس پر کراچی ایکسپریس کے انجن کو کچھ ہی دیر میں شاہدرہ کے لیے روانہ کیا گیا اور تقریبا 2 گھنٹے بعد ٹرین کو شاہدرہ سے لاہور ریلوے سٹیشن پہنچایا گیا۔