عائزہ خان کو منہ دکھائی میں دانش تیمور نے کیا دیا ؟

Ayza khan and Danish Taimoor
Ayza khan and Danish Taimoor

 (ویب ڈیسک)پاکستان کی خوبصورت اداکارہ و ماڈل عائزہ خان اپنی منہ دکھائی اور شادی کی ساری رسموں سے متعلق بات کرنا پسند نہیں کرتیں ۔

اداکارہ عائزہ خان کی ایک مختصر سی ویڈیو سوشل میڈیا پلیٹ فارم انسٹا گرام پر کافی وائرل ہو رہی ہے جس میں وہ میزبان کی جانب سے کئے گئے سوالوں پر مداحوں کو خود سے متعلق نئی نئی باتیں بتا رہی ہیں۔

میزبان کی جانب سے جب  عائزہ خان سے سوال کیا گیا کہ انہیں کو منہ دکھائی میں کیا ملا تھاتو جواب میں عائزہ خان کا کہنا تھا کہ وہ اپنی شادی کی رسموں سے اور منہ دکھائی سے متعلق بات کرنا پسند نہیں کرتیں، نہ ہی  وہ اور نہ ان کے  شوہر دانش تیمور  ٹاک شوز پر اس موضوع پر بات  کرتے ہیں کیونکہ وہ سمجھتے ہیں کہ جو ہماری آپس کی باتیں ہیں وہ ہم دونوں کسی سے بھی شیئر نہ کریں۔

  لہذا وہ کبھی بھی کسی کو یہ بھی نہیں بتاتیں کہ اُنہیں منہ دکھائی میں کیا ملا تھا۔شو کی میزبان کی جانب سے زور دینے پر عائزہ خان نے کہا کہ ’وہ صرف اتنا بتائیں  گی کہ منہ دکھائی پر ملنے والا تحفہ سونے کا تھا، اب وہ تھا کیا؟، یہ وہ نہیں بتائیں گی۔