(احمد رضا) پاکستان نژاد برطانوی باکسر عامر خان نے خواتین کو نازیبا میسج کرنے پر اپنی اہلیہ فریال سے معافی مانگ لی اور ساتھ علاج کرانے کا اعلان بھی کر دیا۔

 سابق چیمپئن فائٹر عامر خان ماڈل سمیرا سمیت خواتین کو غلط میسج کرتے ہوئے پکڑے گئے۔ پچیس سالہ ماڈل کو تصاویر بھیجنے کے ساتھ پیغامات بھی بھجوائے اور ٹیٹو کی تعریف بھی کی۔

 صرف اتنا ہی نہیں بلکہ فریال سے اپنی شادی اور اُن سے ہونے والی تین بیٹیوں سمیت ازدواجی زندگی کو مجبوری ظاہر کیا۔ اسکینڈل کے میڈیا میں آنے اور تحقیقات پر عامر خان نے اعتراف جرم بھی کر لیا اور ساتھ ہی اُنہوں نے اپنی اہلیہ فریال سے معافی مانگنے اور تھراپی یعنی علاج سے عادت چھوڑنے کا عزم بھی ظاہر کر دیا ہے۔