ویب ڈیسک: نیپال میں تباہ ہونے والے طیارے کے گرنے سے کچھ منٹ پہلے ایک مسافر کی جانب سے بنائی گئی فیس بک لائیو منظرِ عام پر آئی ہے جس کے دل دہلا دینے والے مناظر نے ہر دیکھنے والے کے رونگٹے کھڑے کردیے۔

Moments before the tragic plane crash in Nepal today streamed by a passenger on Facebook live…Don’t take the gift of life for granted. pic.twitter.com/Xix1EZjeEm

— Mike Crispi (@MikeCrispiNJ) January 15, 2023

غیر ملکی خبر رساں ایجنسی کے مطابق نیپال کے پوکھرا انٹرنیشنل ائیرپورٹ پر کھٹمنڈو سے آنے والا طیارہ لینڈنگ کے دوران حادثے کا شکار ہوا جس سے طیارے میں آگ لگ گئی۔حادثے میں طیارے میں سوار 72 میں سے 70 افراد کی ہلاکت کی تصدیق ہو چکی ہے جب کہ دیگر 2 کے بارے میں تاحال معلوم نہیں ہو سکا ہے، طیارے میں نیپالی فوجیوں سمیت غیر ملکی بھی سوار تھے۔تاہم اس سانحے کی ایک ویڈیو سامنے آئی ہے جسے بھارتی مسافر سونو جیسوال نے بنایا۔بھارتی میڈیا رپورٹس کے مطابق سونو جیسوال لینڈنگ سے قبل اپنے فیس بک اکاؤنٹ سے لائیو تھے کہ اچانک ویڈیو میں دیکھا گیا کہ زوردار دھماکے کے ساتھ چیخ و پکار کی آوازیں سنائی دیں اور ساتھ ہی اندر ہر طرف آگ ہی آگ نظر آنے لگی۔

اس سے قبل طیارے کے تباہ ہونے کے بیرونی مناظر سامنے آئے تھے جس میں دیکھا گیا کہ طیارہ بہت تیزی سے آسمان سے زمین کی طرف آتا ہے اور الٹا ہو جاتا ہے۔