(ویب ڈیسک ) فیڈرل کپ باسکٹ بال ٹورنامنٹ میں اسلام آباد ہاکس ، سٹی ریپیرز، بلز اے ، ریپٹرز ریڈ کی ٹیموں نے فتوحات کا سلسلہ جاری رکھتے ہوے پری کوارٹر فائنل راونڈ کیلئے کوالیفائی کر لیا ہے۔
فیڈرل باسکٹ بال ایسوسی ایشن کے زیر اہتمام ایف سکس ملٹی پرپز کورٹ اسلام آباد میں جاری 3باٸی 3 ٹورنامنٹ میں اسلام آباد ہاکس نے بلز سی کو 11-18پواٸٹس سے شکست دیکر پری کوارٹر فاٸنل راؤنڈ تک رساٸی حاصل کی ۔
دوسرے میچ میں سٹی ریپیرز نے ریپٹرز وائٹ کیخلاف 10-19پوائنٹس سے جبکہ تیسرے میچ میں بلز اے نے بال میجکشن اے کیخلاف 12-17 پواٸنس سے جیت اپنے نام کی ۔ ریپٹیرز ریڈ نے بال میجکشن بی کیخلاف 16-20سے ، تھنڈرز نے کیپیٹل ہوپرز کیخلاف 14-18سے ، ٹی ڈبلیو بی نے بحریہ ٹاؤن سی کیخلاف 9-16پوائنٹس سے ، جی فائیو نے ٹائٹینز کیخلاف 12-19پوائنٹس سے ، بحریہ اے نے بی بی ایل کیخلاف 11-17پوائنٹس سے ، ہاکس گرینز نے ٹی ہوپرز کیخلاف 10-16پوائنٹس سے، ڈی ایچ اے راکٹس نے تھنڈرز کو 11-20پوائنٹس سے ، بلز بی نے بحریہ ٹاون بی کو 9-15پوائنٹس سے شکست دی۔