سٹی 42: ایشیا کپ، پاک بھارت ٹاکرا کے موقع پر چوہنگ میں سیلاب متاثرین کیلئے بڑی سکرین لگانے کی تیاریاں جاری ہیں ۔
الخدمت فاؤنڈیشن کی جانب سے خیمہ بستی میں سکرین نصب کی جا رہی ہے ،رہنما جماعت اسلامی پی پی 169 احمد سلمان بلوچ الخدمت سیلاب خیمہ بستی چوہنگ پہنچ گئے ۔
احمد سلمان بلوچ نے سیلاب زدگان کی مدد کیلئے قائم عارضی خیمہ بستی کے مکینوں سے ملاقات کی۔
رہنما جماعت اسلامی احمد سلمان بلوچ نے پاک انڈیا ایشیا کپ ٹاکرا کیلئے بڑی سکرین کی تیاری کا جائزہ لیا۔
ویب ڈیسک : ایشیا کپ ٹی ٹوئنٹی ٹورنامنٹ 2025 کے چھٹے میچ میں بھارت نے پاکستان کو 7 وکٹوں سے شکست دے دی۔
ایشیا کپ ٹی ٹوئنٹی ٹورنامنٹ میں گروپ اے کا ہائی وولٹیج میچ دبئی میں کھیلا گیا جہاں پاکستان نے روایتی حریف بھارت کے خلاف ٹاس جیت کر پہلے بیٹنگ کا فیصلہ کیا۔
میچ کے پہلے ہی اوور میں پاکستان کی بیٹنگ لائن بری طرح لڑکھڑا گئی جو بعد میں سنبھل نہ سکی۔ ٹاپ آرڈر آؤٹ آف آرڈر ہوگیا۔ قومی ٹیم آج صرف 127 رنز بنا سکی۔ پاکستانی ٹیم نے 20 اوورز میں 9 وکٹ کے نقصان پر 127 رنز بنائے۔
پہلی وکٹ پہلی ہی گیند پر گری، صائم ایوب پانڈیا کی گیند پر بغیر کوئی رن بنائے آؤٹ ہوگئے۔ دوسرے آؤٹ ہونے والے کھلاڑی محمد حارث تھے جو 6 کے مجموعی اسکور پر 3 رنز بنا کر بومرہ کی بال پر آؤٹ ہوئے۔ 45 کے مجموعی اسکور پر فخر زمان 17 رنز بنا کر آؤٹ ہوئے، انہیں اکسر پٹیل نے آؤٹ کیا۔ ان کے بعد کپتان سلمان آغا بھی 3 رنز بنا کر پٹیل کے ہاتھوں آؤٹ ہوگئے۔
ان کے بعد حسن نواز بھی پہلی ہی گیند پر کلدیپ یادیو کا شکار بن گئے۔83 رنز پر صاحبزادہ فرحان چھکا مارتے ہوئے کیچ آؤٹ ہو گئے۔ انہوں نے 44 گیندوں پر 40 رنز بنائے۔ پاکستان کی آٹھویں وکٹ 97 رنز پر گری جب فہیم اشرف 11 رنز بنا کر آؤٹ ہوئے۔بھارت کیخلاف پاکستان کی نویں وکٹ 111 رنز پرگری، سفیان مقیم 10رنز بنا کر آؤٹ ہوئے۔
شاہین آفریدی نے شاندار بلے بازی کا مظاہرہ کرتے ہوئے ٹیم کو سہارا دیا اور 16 گیندوں پر 4 چھکوں کی مدد سے 33 رنز کی ناقابل شکست اننگز کھیلی۔بھارت کی جانب سے کلدیپ یادیو نے 3، بمراہ اور اکشر پٹیل نے 2،2 وکٹیں حاصل کیں۔
بھارت نے 127 رنز کا ہدف ویں اوور میں 3 وکٹ کے نقصان پر پورا کرلیا۔بھارت کی جانب سے ابھیشک شرما اور تلک ورما نے 31،31 رنز بنائے، شبمن گل 10 رنز بناسکے۔
ان کے علاوہ شیوم دوبے نے اور کپتان سوریا کمار یادیو نے رنز بنائے۔پاکستان کی جانب سے تینوں وکٹیں صائم ایوب نے حاصل کیں۔
September 09, 2026
September 09, 2026
ویب ڈیسک : ملک میں سیلابی صورتِ حال کے باعث ٹرینیں تاخیر کا شکار ہیں۔
کراچی سے ریلوے ترجمان کے مطابق گرین لائن ایکسپریس ساڑھے 3 گھنٹے تاخیر سے روانہ ہو گی۔
ریلوے ترجمان کے مطابق گرین لائن ایکسپریس 10 کے بجائے رات ڈیڑھ بجے اسلام آباد کے لیے روانہ ہو گی۔
واضح رہے کہ سیلابی صورتِ حال کے باعث ٹرین سروس متاثر ہوئی ہے۔
ویب ڈیسک : ٹریڈنگ کارپوریشن آف پاکستان (ٹی سی پی) نے ایک لاکھ میٹرک ٹن چینی کی درآمد کے لیے ایک اور ٹینڈر جاری کر دیا ہے اور 23 ستمبر نے بولیاں طلب کر لی گئی ہیں۔
ٹریڈنگ کارپوریشن آف پاکستان کے ٹینڈر دستاویز کے مطابق بولیاں 23 ستمبر کو ہی کھولی جائیں گی اور چینی کی درآمد کے لیے 25 ہزار ٹن سے کم کی بولیاں منظور نہیں کی جائیں گی۔
واضح رہے کہ 8 ستمبر کو ٹی سی پی کو ایک لاکھ میٹرک ٹن چینی درآمد کے لیے کھولے گئے ٹینڈر میں گزشتہ ٹینڈر کے مقابلے میں کم ریٹ پر بولیاں موصول ہوئیں تھیں، ٹی سی پی کو ٹینڈر کے تحت کم سے کم بولی 545 ڈالر فی میٹرک ٹن ملی تھی۔ٹی سی پی کی رپورٹ میں آگاہ کیا گیا تھا کہ 8 ستمبر کو کھولے گئے ٹینڈر میں مجموعی طور پر 5 بولیاں موصول ہوئیں، جن میں فی میٹرک ٹن نرخ 545 سے 578.50 ڈالر تک موصول ہوئے تھے۔
رپورٹ کے مطابق سب سے کم بولی سوسڈن مڈل ایسٹ (یو اے ای) کی جانب سے 545 ڈالر فی میٹرک ٹن دی گئی تھی۔واضح رہے کہ وفاقی کابینہ نے رواں سال جولائی میں 5 لاکھ میٹرک ٹن چینی درآمد کرنے کی منظوری دی تھی جو سرکاری سطح پر ٹی سی پی کے ذریعے درآمد کی جا رہی ہے اور حکومت نے چینی کی درآمد پر ٹیکسوں کی رعایت بھی دی ہوئی ہے۔
September 09, 2026
September 09, 2026
سٹی 42:وفاقی دارالحکومت میں ڈینگی سے درجنوں مریض ہسپتال پہنچ گئے ،ڈینگی کیسز کی تعداد چار سو سے بھی تجاوز کرگئی
ڈی ایچ او کے مطابق اسلام آباد میں ڈینگی کے مزید 25 کیسز رپورٹ ہوئے، 21 مریض اسپتال داخل ہوگئے ، دیہی علاقوں سے 13، شہری علاقوں سے 13 کیسز رپورٹ ہوئے ۔
بھارہ کہو سے 6 کیسز، روات اور علی پور سے تین تین کیسز رپورٹ ہوئے ۔
سیکٹر جی 5، جی 6، ایف 6، جی-7، ایف-10 سے دو دو مریض سامنے آئے۔
جی-11، ای-11، ایچ-9، ایف-13، جی-9 اور ترلائی II سے 1،1 مریض رپورٹ ہوئے ،اسلام آباد میں ڈینگی کیسز کی تعداد 458 تک پہنچ گئی۔
کل 343 مقامات کا معائنہ کیا گیا ، 14 ہاٹ اسپاٹس کی نشاندہی کی گئی ، ہاٹ اسپاٹس پر سخت انتظامی اقدامات کیے گئے ، کمرشل سائٹس کے خلاف کارروائی کی گئی ، اسلام آباد بھر میں ڈینگی کنٹرول کی 40 ہزار سے زائد سرگرمیاں ہوئیں ۔
759 گھروں میں اسپرے کیے گئے ،، مریضوں کے گھروں کے اطراف اقدامات کیے گئے ، 133 مقامات پر فوگنگ آپریشنز مکمل کر لیا گیا۔
ویب ڈیسک : سابق صوبائی وزیر مولوی سرور موسیٰ خیل کو 2 بیٹوں سمیت کوئٹہ سے گرفتار کر لیا گیا۔
پولیس کا کہنا ہے کہ سابق صوبائی وزیر اور ان کے بیٹوں پر سینئر بیوروکریٹ کو سنگین نتائج کی دھمکیاں دینے کا الزام ہے، ان کے خلاف سول لائن تھانہ میں مقدمہ درج ہے۔
سابق صوبائی وزیر کے خلاف سیکریٹری مواصلات و تعمیرات لعل جان جعفر نے مقدمہ درج کروایا ہے۔
ایف آئی آر میں کہا گیا ہے کہ سابق صوبائی وزیر نے میرے دفتر میں مجھے سنگین نتائج کی دھمکیاں دیں اور نازیبا زبان استعمال کیں۔
September 09, 2026
September 09, 2026
سابق وارلارڈ احمد شاہ مسعود کی 24 ویں برسی کے موقع پر ان کے بیٹے احمد مسعود نے کہا ہے '' ہم آزادی کی خاطر لڑنے پہ مجبور ہیں ، بلاشبہ کوئی جبر ہمیشہ نہیں رہتا ، قومی مزاحمتی محاذ طالبان کا تختہ الٹنے تک جنگ جاری رکھے گا ۔
1990 کی دہائی میں کابل پر افغان طالبان کے قبضہ کے خلاف مسلح مزاحمت کرنے والے شمالی اتحاد کے روح رواں کمانڈر احمد شاہ مسعود کو القاعدہ نے 9 ستمبر 2001 کو کابل پہ امریکی حملہ سے کچھ دن قبل خودکش مشن میں قتل کرا کے افغان معاشرے میں ایسی دراڑ پیدا کر دی تھی جسے پُر کرنا ممکن نہیں ہو گا ۔ حیرت انگیز طور پر یہ متنوع خطہ کم و بیش ڈیڑھ سو سال پہ محیط داخلی انتشار، ہولناک خانہ جنگیوں اور بڑی طاقتوں کے طویل تسلط جیسے تلخ تجربات سے گزرنے کے باوجود ایک بار پھر ایسی مہیب خانہ جنگی کے دہانے پہ آ کھڑا ہوا ہے جو بلآخر مملکت کی تقسیم پہ منتج ہو گی ۔
رموز حکمرانی سے ناواقف طالبان کی امارت اسلامی نے ملک کی جغرافیائی حدود پہ حکومتی عملداری اور انتظامی نظم و نسق قائم کرکے معاشرے کو سیاسی ،اقتصادی اور سماجی طور پہ ریگولیٹ کرنے کی بجائے مملکت کو بدستور مسلح جتھوں کے سپرد رکھنے کی روش اپنا کر بدقسمت افغانوں کے لئے منظم قوم اور افغانستان کو نارمل ملک بنانے کا نادر موقعہ گنوا دیا ، یہ ایسی حکومت ہے جو حکم تو دیتی ہے لیکن شہریوں کی مدد نہیں کرتی ۔ پچھلے چار سالوں کے دوران مزار شریف سے لیکر کابل اور واخان سے لیکر قندھار تک ملک کے طول و ارض میں مسلح گروہوں کی فرماروائی افغان معاشروں کے علاوہ پڑوسی ممالک کے لئے بھی خطرہ بنتی جا رہی ہے۔
اس وقت افغانستان میں داعش خراسان ، القاعدہ اور ٹی ٹی پی کے علاوہ طالبان مخالف قومی مزاحمتی فرنٹ(NRF) کی سرگرمیاں محل نظر ہیں ۔ اقوام متحدہ کی مانیٹرنگ رپورٹ کے مطابق افغانستان میں القاعدہ اور ٹی ٹی پی کے علاوہ جماعتِ انصاراللہ جیسی تاجک شدت پسند تنظیمیں ، خوست ، کُنڑ، ننگرہار، پکتیکا اور تخار جیسے شہروں میں عالمی دہشتگردی کے تربیتی مراکز قائم کرکے پڑوسی ممالک کی قومی سلامتی کے لئے خطرات پیدا کر رہی ہیں ۔
شامی جنگ سے شہرت پانے والی ازبک جنگووں کی جہادی تنظیم ''امام بخاری '' کے علاوہ جنوبی ترکستان موومنٹ سمیت ترک نسل کے کئی مسلح گروہ شمالی افغانستان سے طالبان کی حکمرانی کے خلاف نسلی اور علاقائی چیلنج کے طور پر نمودار ہوتے یکھائی دیتے ہیں ، القاعدہ اور داعش جیسی عالمگیر دہشتگرد تنظیموں کی افغان سرزمین پہ موجودگی جنوبی ایشیا میں امریکی و اسرائیلی قدموں کے نشانات کو ظاہر کرتی ہیں ۔ اسی طرح بلوچستان لبریشن فرنٹ ، یہ پاکستان اور ایران کی بلوچ علاقوں میں سرگرم عمل علیحدگی پسندوں کی فعال تنظیم ہونے کے باوجود جنوبی افغانستان کے شہر ہلمند، قندہار اور نیمروز میں پناہ گاہیں رکھتی ہے ۔ افغان سرحد کے اندر ملیشیائیوں کے کئی چھوٹے گروہ ، سرکش قبائلی دھڑے یا تحفظِ علاقہ کی مقامی تحریکیں بھی روزافزوں ہیں جو طالبان حکومت سے نجات اور مقامی نظم و نسق یا برادری کی خود مختاری کے لئے لڑ رہی ہیں ۔
ملک کے شمال مغربی صوبوں جیسے بنجشیر،تخار وغیرہ میں افغانستان کی فوج اور پولیس کے سابق اہلکاروں پہ مشتمل جس قسم کے جتھے طالبان کے حتمی غلبہ کے خلاف مزاحمت پہ کمربستہ ہیں ، ان میں سب سے وسیع نیٹ ورک اور عالمی شناخت رکھنے والا الائنس، قومی مزاحمتی فرنٹ ، ہے جو طالبان کے تسلط سے آزادی، جمہوریت ، نسلی برابری، مذہبی آزادیوں اور خواتین کے حقوق کی وابستگی رکھتا ہے ۔ این آر ایف کے ایسے ہزاروں مسلح جنگجو تمام صوبوں میں موجود ہیں ، جو ماضی قریب میں افغان قومی سلامتی فورسز اور پولیس فورس میں تربیت حاصل کرتے رہے ہیں ، یہی منظم جتھے شمال اور شمال مشرقی علاقوں میں طالبان فورسیز پر حملوں میں مشغول ہیں ، جغرافیائی اعتبار سے مزاحمتی تحریکوں کو دفاعی فوائد پہنچانے والی وادی پنجشیر جیسا اسٹریٹیجک ایریا روایتی طور پہ این آر ایف کا مضبوط گڑھ ہے ، ابھی حال ہی میں اسی گروپ نے کنڑ میں طالبان انٹیلی جنس چیف کے گھر کو نشانہ بنایا ۔ این آر ایف بنیادی طور پر اُن تاجک، ازبک اور ہزارہ برادریوں میں مقبول سیاسی تحریک ہے، جو طالبان کی پشتون مرکزیت اور نسلی غلبہ سے نالاں ہیں ۔ تمام غیر پشتون گروہ، خصوصا شمال کے ترکمان لوگ این آر ایف کو اپنا حقیقی نمائندہ سمجھتے ہیں ۔ این آر ایف نے اگرچہ انسانی حقوق کے تناظر میں طالبان حکومت کی سختیوں کے خلاف اپنے لئے بین الاقوامی سطح پہ کچھ حمایت پیدا کی ہے لیکن جدید اسلحہ ، مالیات اور دیگر وسائل کی کمی کے علاوہ بین الاقوامی سفارتی سطح پر وسیع توثیق نہ ملنے کی وجہ سے محدود دائرہ عمل رکھتی ہے ، ہرچند کہ شہریوں میں بڑھتا ہوا احساسِ کمتری، نسلی تنازعات ، پناہ گزینوں کا بحران، عمیق اقتصادی بدحالی کے ساتھ طالبان کا استبدادی طرز حکومت وسیع پیمانے کی عوامی ناراضگی پیدا کر رہا ہے ، جو مسلح مزاحمت تحریکوں کو موافق فضا فراہم کرے گا تاہم پھر بھی این آر ایف کے لئے ان عوامل سے مثبت نتائج لینا دشوار ہو گا کیونکہ طالبان کے پاس ریاستی طاقت ، قومی وسائل اور عالمی لیول پر تسلیم کا بڑھتا ہوا رجحان ، خصوصاً روس ، چین اور دیگر ممالک سے تعلقات میں استحکام کی بدولت متعدد محاذوں پر استقامت اور زیادہ کھلا میدان موجود ہے ۔
یہ بھی سچ ہے کہ ''قومی مزاحمتی فرنٹ'' کی جدوجہد محض مزاحمتی مظہر نہیں بلکہ یہ ایسی سیاسی، سماجی اور اخلاقی تحریک ہے جو طالبان کے جبریت پہ مبنی انداز حکمرانی ، نسلی امتیازات اور انسانی بہبود پہ پابندیوں کے خلاف افغان معاشرے کی روح کی گونج بن کر ابھر رہی ہے۔ این آر ایف ، مستقبل میں اگر موثر اتحاد کے ذریعے نسلی برابری اور انسانی حقوق کے مطالبات کو فصاحت کے ساتھ پیش کرکے بین الاقوامی برادری کا اعتماد اور عالمی شناخت حاصل کر سکی تو اس کی وقعت مزید بڑھ جائے گی بصورت دیگر طالبان کا جغرافیائی تسلط، عسکری استبداد اور حالیہ بین الاقوامی رغبت مزاحمت کے میدان کو زیادہ سخت اور طویل المدتی بنا سکتی ہے ۔
امر واقعہ بھی یہی ہے کہ 2025 میں روس نے طالبان کو دہشت گردوں کی فہرست سے نکال کر باضابطہ طور پر تسلیم کر لیا ، چین و ایران کے ساتھ ان کے اقتصادی روابط بڑھ رہے ہیں، طالبان اگر پاکستان، روس،چین اور ایران سے سفارتی و تجارتی تعلقات مضبوط کر لیں تو متذکرہ ممالک طالبان کو سیکیورٹی پارٹنر کے طور پر قبول کر سکتے ہیں مگر شومئی قسمت سے صورت حال مخالف سمت بڑھتی دیکھائی دے رہی ہے ، پاکستان جس کا طالبان کے ساتھ تاریخی تعلق رہا ، ٹی ٹی پی کی بڑھتی ہوئی دہشت گردی کی وجہ سے اسلام آباد کے طالبان سے تعلقات کشیدہ ہوئے ہیں ، جو پاکستان کی افغان پالیسی میں کسی بڑی تبدیلی کا محرک بن سکتے ہیں ۔ اگر پاکستان نے پالیسی بدل کے این آر ایف کو براہِ راست یا بالواسطہ مدد فراہم کی تو فرنٹ طالبان حکومت کے لیے خطرناک اسٹریٹیجک چیلنج جائے گا ۔
ویب ڈیسک : راولپنڈی میں انسدادِ ڈینگی مہم میں کرپشن، ناقص کارکردگی اور جعلی اعداد و شمار جاری کرنے کا انکشاف ہوا ہے۔
ٹارگٹ پورا نہ کرنے پر 300 کے قریب سینیٹری ورکرز اور سپر وائزرز کو شوکاز نوٹس جاری کر دیے گئے۔ڈسٹرکٹ ہیلتھ اتھارٹی راولپنڈی نے انکوائری کے لیے 3 رکنی کمیٹی تشکیل دے دی۔
محکمۂ صحت کے ذرائع کے مطابق انسدادِ ڈینگی مہم کے دوران 300 کے قریب اہلکار غیر حاضر پائے گئے۔غیر حاضر اہلکار گزشتہ سال کی ڈینگی مہم کی تصاویر بھیج کر حاضریاں لگواتے رہے اور تنخواہیں وصول کرتے رہے۔محکمۂ صحت کے ذرائع نے کہا ہے کہ کرپشن اور غیر حاضری پر ملازمین کے خلاف کارروائی شروع کر دی گئی ہے، ملوث ملازمین کے خلاف پیڈا ایکٹ کے تحت کارروائی عمل میں لائی جا رہی ہے۔
غیر حاضر ملازمین کی غفلت سے ڈینگی کے غلط اعداد و شمار جاری ہوتے رہے، ملوث اہلکاروں میں سے بیشتر اہلکاروں کے جوابات غیر تسلی بخش قرار دیے گئے۔ انکوائری کمیٹی 2 ماہ میں جامع رپورٹ تیار کر کے سیکریٹری ہیلتھ کو پیش کرے گی، کرپشن میں ملوث اہلکاروں کی انکوائری انٹیلیجنس بیورو کو بھیج دی گئی ہے۔
September 09, 2026
September 09, 2026
سٹی 42 : وزیر ہاؤسنگ اینڈ اربن ڈویلپمنٹ بلال یاسین نے کہا ہے کہ ہماری دعائیں پاکستانی شاہینوں کی جیت اور بہترین کھیل کیلئے ہیں۔
وزیر ہاؤسنگ اینڈ اربن ڈویلپمنٹ بلال یاسین نے پاک بھارت ٹاکرے بارے اپنے بیان میں کہا کہ آج روائتی حریفوں کے مابین میچ کانٹے دار متوقع ہے۔
بلال یاسین نے کہا کہ بھارتی سورماؤں کو صحرائے عرب پر شاہین آج دھول چٹائیں گے۔ انہوں نے کہا کہ شاہینو! ڈٹ کر مقابلہ کرنا،قوم آج پھر فتح کی منتظر ہے۔
سٹی 42: ایشیا کپ کا سب سے بڑا معرکہ آج ہوگا
روایتی حریفوں کے ٹاکرے کا شائقین کو بےصبری سے انتظار ہے ،پاکستان اور بھارت آمنے سامنے ہوں گے ، کرکٹ دیوانوں کا جوش عروج پر ہے
دبئی کے سٹیڈیم میں سجے گا سب سے بڑا کرکٹ کا میلہ ،فیملیز کی بڑی تعداد میچ دیکھنے کے لیے تیاریوں میں مصروف ہیں ، قومی ٹیم کی کامیابی کے لیے دعاؤں کا سلسلہ جاری ہے .
September 09, 2026
14 Sep, 2025
14 Sep, 2025
14 Sep, 2025
14 Sep, 2025
14 Sep, 2025
14 Sep, 2025
14 Sep, 2025
14 Sep, 2025
14 Sep, 2025