(ویب ڈیسک) سوشل میڈیا پر وائرل ہونے والی اس ویڈیو میں بیوی نے شوہر کی سربازار دھلائی کردی، اس واقعہ کی ویڈیو سوشل میڈیا کے مختلف پلیٹ فارمز پر خوب شیئر کی جارہی ہے۔
تفصیلات کےمطابق بھارت میں ہونے والے ایسے واقعات کی اکثر ویڈیو سوشل میڈیا پر شیئر کی جاتی ہیں، شادیوں کے موقع پر مضحکہ خیز لمحات کو کیمرے میں قید کیا جاتا ہے اور سوشل میڈیا صارفین کی توجہ حاصل کرنے کے لئے ایسی ویڈیوز کو اپ لوڈ کیا جاتا ہے، وائرل ہونے والی اس نئی ویڈیو کو ' سی این این نیوز18' نے انسٹاگرام پر کیا جس میں دیکھا جاسکتا ہے کہ بھارت میں اتر پردیش کے شہر غازی آباد کے ایک بازار میں چند خواتین ایک شخص اور اس کے ساتھ موجود لڑکی کو مار رہی ہیں۔
مقامی میڈیا کا کہناتھا کہ مار کھانے والا شخص اپنی گرل فرینڈ کو کروا چوتھ پر شاپنگ کرانے لایا تھا اور اس دوران اس کی بیوی بھی اپنی ماں اور اہل خانہ کی دیگر خواتین کے بازار آئی ہوئی تھیں۔ بیوی نے شوہر کو گرل فرینڈ کے ساتھ دیکھا تو آپے سے باہر ہوگئی۔
خواتین نے وقت ضائع کئے بغیر دونوں کی درگت بنائی،سرعام بازار میں خاتون نے شوہر کو خوب مارا اس دوران گرل فرینڈ آگے بڑھ کر بچانے لگی تو خواتین نے اس کی بھی دھلائی کردی، بارونق بازار میں عوام کا ہجوم اکٹھا ہوگیا, متعدد نے اپنے موبائل فونز نے اس واقعہ کی ویڈیو بنائی۔
View this post on Instagram
واقعہ کے بعد اس شخص کی بیوی نے پولیس میں بھی شکایت درج کرائی جس پر پولیس نے تحقیقات کا آغاز کردیا ہے۔ شوہر اور بیوی کے درمیان ناچاقی ہے اور بیوی ناراض ہوکر اپنی ماں کے گھر رہ رہی ہے۔