سٹی 42: وفاقی حکومت نے صحافیوں کے تحفظ کیلئے  کمیشن فار دی پروٹیکشن آف جرنلسٹس اینڈ میڈیا پروفیشنلز  تشکیل دے دیا

کمیشن کا قیام پروٹیکشن آف جرنلسٹس اینڈ میڈیا پروفیشنلز ایکٹ 2021 کے تحت عمل میں آیا،وزارت اطلاعات و نشریات نے کمیشن کے قیام کا باضابطہ نوٹیفکیشن جاری کر دیا۔
 کمیشن کے 12 ارکان کا نوٹیفیکیشن جاری کر دیا گیا ۔ 
پرنسپل انفارمیشن آفیسر وزارت اطلاعات کمیشن کے بلحاظ عہدہ رکن ہوں گے،ڈی جی وزارت انسانی حقوق بھی کمیشن کے رکن نامزد کیے گئے ، سیکرٹری پی آر اے، نوید اکبر ،غلام نبی یوسفزئی بھی کمیشن کا حصہ بن گئے ۔

نیشنل پریس کلب سمیت پی ایف یوجے دھڑوں کی بھی نمائندگی شامل  ہوگی ، حسن عباس، طاہر حسن خان،تمثیلا چشتی، نادیہ صبوحی، خلیل احمد کمیشن کے اراکین  ہیں ، قومی و صوبائی پریس یونینز کے نمائندے بھی کمیشن میں شامل کیے گئے ،  
کمیشن صحافیوں کے حقوق اور سیکیورٹی اقدامات کی نگرانی کرے گا،کمیشن جلد اپنی ذمہ داریاں سنبھالے گا.