سٹی 42: کورونا کے پھیلاؤ کا خدشہ، صوبائی وزیر تعلیم مراد راس کا کہنا ہے سرکاری و نجی سکولز 23 مئی تک بند رہیں گے، این سی او سی کے تحت وزرائے تعلیم کانفرنس 18 مئی کو ہو گی۔

سماجی رابطے کی ویب سائٹ ٹویٹر پر مراد راس نے ٹویٹ کرتے ہوئے کہا کہ سرکاری و نجی سکول 23 مئی تک بند رہیں گے۔ 18 مئی کو تعلیمی ادارےکھولنے یا مزید بند رکھنے کا فیصلہ کیا جائے گا۔ 

ANNOUNCEMENT:
All Public and Private Schools of Punjab will remain closed till May 23, 2021 due to COVID 19 situation. A review meeting will be held on May 18th, 2021. Please make sure to follow SOPs issued by the Government.

— Murad Raas (@DrMuradPTI) May 14, 2021

قبل ازیں نیشنل کمانڈ اینڈ آپریشن سنٹر کی طرف سے سماجی رابطے کی ویب سائٹ ٹویٹر پر جاری کردہ بیان میں کہا گیا تھا کہ این سی او سی اجلاس میں فیصلہ کیا گیا ہے کہ بیماری کے رجحان کے پیش نظر 17 مئی تک بند کئے گئے تعلیمی ادارے اب 23 مئی 2021 تک بند رہیں گے۔ 

دوسری جانب شہر لاہور کے باسی ذمہ داری کا مظاہرہ کرتے ہوئےگھر وں پر رہے۔ شہر کی سڑکیں ویران، تمام تفریحی مقامات بھی مکمل بند رہے۔ حکومتی احکامات پر عملدرآمد کروانے کے لیے پولیس کی جانب سے شہر بھر میں گشت جاری رہا۔عید الفطر کے موقع پر شہریوں کی آمدورفت محدود رکھنے کیلئے پولیس کی ناکہ بندی بھی جاری رہی۔شہریوں کا کہنا ہے کہ کورونا سے بچنے کیلئے ایس او پیز کو فالو کررہے ہیں۔

ملک میں کورونا مزید 126 افراد کی جان لے گیا، چوبیس گھنٹوں میں 3ہزار 265 نئے کیس بھی سامنے آگئے۔ ملک میں کورونا کے مریضوں کی تعداد 8 لاکھ 73 ہزار سے زائد ہوگئی ہے۔ لاہور ڈویژن میں کورونا کے تین سو اسی مریضوں کا اضافہ ہواہے۔ چوبیس گھنٹوں کے دوران آٹھ افراد کورونا سے زندگی کی بازی ہار گئے۔