ارسلان شیخ: سوشل میڈیا کے نئے قوانین کے نفاذ کے بعد حکومت کو بڑی کامیابی مل گئی، سوشل میڈیا کمپنیوں نے پاکستان میں رجسٹریشن کا آغاز کردیا۔
تفصیلات کے مطابق دنیا سمیت پاکستان بھر میں سوشل میڈیا کا استعمال کافی تیزی سے بڑھتا جارہا ہے۔ فیس بک، ٹویٹر، انسٹاگرام، ٹک ٹاک، بیگو اور سنیک ویڈیو جیسی ایپلی کیشن مقبول ہو رہی ہیں۔ نوجوان نسل ان ایپس کے ذریعے گھر بیٹھے لاکھوں روپے کما رہے ہیں۔ حکومت کی جانب سے سوشل میڈیا ایپس کیلئے قانون و ضوابط لاگو کئے گئے ہیں۔ سوشل میڈیا قوانین کی کیخلاف ورزی پر پی ٹی اے کی جانب سے ٹک ٹاک پر پابندی بھی عائد کی گئی۔
اس حوالے سے اب سوشل میڈیا کمپنیوں نے پاکستان میں رجسٹریشن کا آغاز کردیا ہے۔ سنیک ویڈیو اور بیگو نے پی ٹی اے کے ساتھ رجسٹریشن کرا لی، پی ٹی اے نے سنیک ویڈیو اور بیگو کو رجسٹریشن سرٹیفکیٹ جاری کردیئے ہیں۔
Representatives of the two companies attended the event, held today at PTA Headquarters, Islamabad and completed the registration process. The companies were awarded the “Registration Certificates”
— PTA (@PTAofficialpk) January 14, 2022
ترجمان پی ٹی اے کا کہنا ہے کہ دونوں سوشل میڈیا کمپنیوں کو پی ٹی اے میں تقریب کے دوران سرٹیفکیٹ جاری کیے گئے، تقریب میں چیئرمین پی ٹی اے، اتھارٹی کے ممبران اور اہم عہدیداروں نے شرکت کی۔