ویب ڈیسک: معروف گلوکار ابرار الحق اور صحافی سفینہ خان کے درمیان لندن میں ہونے والی تلخ کلامی کی ویڈیوز سوشل میڈیا پر وائرل ہوگئیں،  ویڈیو میں دونوں کے درمیان ایک چیریٹی تقریب سے متعلق الزامات پر تکرار دیکھی جا سکتی ہے۔

ابرار الحق نے الزام عائد کیا کہ دو ماہ قبل ایک فلاحی تقریب کے دوران 5 پاؤنڈز کے عطیے سے متعلق ویڈیو وائرل کر کے ان پر خیرات میں خردبرد کا تاثر دیا گیا۔ ان کا کہنا تھا کہ کنسرٹ کے دوران ایک شخص نے انہیں 5 پاؤنڈز کا نوٹ دیا تھا اور اس معاملے کو غیر ضروری طور پر اچھالا گیا۔ انہوں نے یہ بھی کہا کہ ہسپتال ان کی والدہ کے نام پر تعمیر ہو رہا ہے، اس لیے انہیں اس معاملے پر دکھ پہنچا۔

Singer Abrar and journalist Safina Khan: the story behind £5 London donation and the confusion @SafinaKhann @AbrarUlHaqPK pic.twitter.com/fIp72gY1ok

— Murtaza Ali Shah (@MurtazaViews) February 13, 2026

دوسری جانب سفینہ خان کا مؤقف تھا کہ وہ اس کنسرٹ میں موجود نہیں تھیں اور انہوں نے وہی مواد شیئر کیا جو سوشل میڈیا پر پہلے سے موجود تھا۔ بعد ازاں ایک اور ویڈیو سامنے آئی جس میں دونوں کو باہمی گفتگو کے ذریعے معاملہ افہام و تفہیم سے حل کرتے دیکھا جا سکتا ہے۔

Singer Abrar and journalist Safina Khan: the real story behind £5 London donation - all issues cleared @SafinaKhann @AbrarUlHaqPK pic.twitter.com/ln0dbIcxmX

— Murtaza Ali Shah (@MurtazaViews) February 14, 2026

واضح رہے کہ ابرار الحق، جنہیں بھنگڑا کے بادشاہ کے طور پر بھی جانا جاتا ہے، پاکستان اور بیرون ملک اپنی موسیقی کے باعث مقبول ہیں۔ ان کے معروف گانوں میں بلّو دے گھر اور چمکیلی بارات لے کے شامل ہیں، جبکہ وہ فلاحی تنظیم سہارا فار لائف ٹرسٹ کے بانی اور چیئرمین بھی ہیں۔