ویب ڈیسک: آج رات کے موسم کی صورتحال کے حوالے سے محکمہ موسمیات کا کہنا ہے کہ ملک کے بیشتر علاقوں میں موسم خشک رہنے کا امکان ہے۔
تفصیلات کے مطابق ہفتہ کے روز موسم کی صورتحال کے متعلق محکمہ موسمیات نے پیشگوئی کرتے ہوئے کہا کہ اسلام آباد میں بعد از دوپہر تیز ہوائیں اور جھکڑ چلنے کا امکان ہے۔جبکہ پنجاب کے بیشتر اضلاع میں موسم خشک اور گرم رہنے کی توقع ہے۔
محکمہ موسمیات کے مطابق خیبر پختونخوا کےبیشتر اضلاع میں دن کے اوقات میں موسم خشک رہے گا۔ شام یا رات میں چترال، دیر، سوات، کرم اور خیبر میں گرج چمک کے ساتھ بارش کا امکان ہے۔
محکمہ موسمیات کا کہنا ہے کہ بعد از دوپہر گرد آلود ہوائیں اور جھکڑ چلنے کا امکان ہے ۔ بلوچستان کےبیشتر اضلاع میں موسم خشک رہے گا۔شام یا رات میں کوئٹہ ، پشین ، قلعہ سیف اللہ، قلعہ عبداللہ ، مستونگ، قلات، نوشکی اور خاران میں گرج چمک آندھی اورتیز ہواوٗں کے ساتھ بارش کا امکان ہے۔
سندھ کےبیشتر اضلاع میں موسم گرم اور خشک رہنے کا امکان ہے۔ کشمیر اور گلگت بلتستان میں مطلع جزوی ابر آلود رات میں بارش کا امکان ہے۔