ویب ڈیسک:پنجاب کے علاقوں لاہور، قصور، جھنگ، فیصل آباد، اوکاڑہ، چیچہ وطنی، پاک پتن اور کے پی کے مختلف مقامات پر  تیز ہواؤں کے ساتھ بارش کے باعث مختلف حادثات میں خاتون سمیت 5 افراد جاں بحق اور 45 افراد زخمی ہوگئے۔

بنوں میں حادثات میں 4 افراد جاں بحق اور 16 زخمی ہوگئے۔ڈی آئی خان میں طوفانی بارش سے کئی مقامات پر درخت جڑ سے اکھڑ گئے۔ بجلی کے پول گرنے سے کئی فیڈر ٹرپ کر گئے۔ مختلف حادثات میں 4 افراد زخمی ہوئے۔

ادھر جنوبی وزیرستان لوئر کی تحصیل برمل میں بارش اور ژالہ باری ہوئی۔

لیسکو ریجن کے مختلف علاقوں میں آندھی اور بارش کے بعد کئی علاقوں میں بجلی معطل ہوگئی۔