سٹی42: میسی کو دیکھنے آئے، میس دیکھ کر چلےگئے! ہم سے دھوکا ہوا!... یہ کلکتہ کی ایک خاتون فین کے ہی خیالات نہیں، ہزاروں لوگ مقامی سٹیڈیم میں مچی ہڑبونگ اور ہنگامہ آرائی کے بیچ اپنے محبوب فٹبالر کو دیکھنے کی آس ٹوٹ جانے پر ایسے ہی خیالات کا اظہار کر رہے ہیں۔

میسی کو کھیلتے بہت دیکھا، اسے زندگی کے سبھی کام کرتے بہت دیکھا لیکن صرف  سپورٹس چینلز پر چل رہے لائیو یا ریکارڈڈ میچوں میں یا پھر سوشل میڈیا پر وائرل ہوئی ویڈیو کلپس میں، اس کو اپنی آنکھوں سے دیکھنے کے لئے  37 ہزار روپے کا ٹکٹ خریدا لیکن اتنا پیسہ خرچ کر کے ملے صرف دھکے، جو ٹی وی پر میچ دیکھنے یا سوشل میڈیا پر میسی کی سرگرمیوں کو دیکھنے سے بالکل نہیں پڑتے۔

یہ صرف ایک فین کی شکایت نہیں کلکتہ میں ایسے ہزاروں لوگ ہیں جنہوں نے سالٹ لیک سٹیڈیم میں میسی کی دور سے ایک جھلک دیکھنے کے لئے اور درجنوں نے کچھ قریب سے ایک جھلک دیکھنے کے لئے خطیر رقمیں خرچ کیں لیکن میسی کی ایک جھلک تک نہیں دیکھ سکے، سٹار فٹ بالر اپنے وعدے کے مطابق ،ژیدول کی پابندی کرتے ہوئے سالٹ لیک سٹیڈیم آئے لیکن وہاں ایسا ادھم مچا کے میسی کے محافظوں نے انہیں ایک منٹ بھی وہاں رہنے کی اجازت نہین دی اور اپنے حفاظتی حصار میں لے کر سٹیڈیم سے واپس لے گئے۔ 

سالٹ لیک اسٹیڈیم میں کیا ہوا

کل ہفتے کے روز کولکتہ میں لیونل میسی کے "GOAT انڈیا ٹور" کا کک آف ایونٹ ناقص منصوبہ بندی اور ہجوم کی ہڑبونگ کی وجہ سے تیزی سے بگڑ گیا اور ایونت ہی برباد ہو گیا۔

آج دنیا بھر کے میڈیا میں کلکتہ کے سالٹ لیک سٹیڈیم میں مچی ہڑبونگ کی خبریں شائع کی جا رہی ہیں اور کہا جا رہا ہے کہ شائقین نے ٹکٹ کی اونچی قیمتیں ادا کی تھیں فٹ بال لیجنڈ کو قریب سے دیکھنے کی امید میں لیکن انہیں صرف دھکے ہی ملے۔
سٹیڈیم میں میسی صرف تھوڑے ہی وقت کے لیے نظر آئے، ان کی شائقین کے ساتھ بمشکل بات چیت ہوئی۔ ان کے آتے ہی ان کو  سیاست دانوں اور وی آئی پیز نے گھیر لیا تھا، جس سے عام ٹکٹ  خریدنے والوں کو ان کی جھلک دیکھنے کو نہیں ملی۔
مایوس فینز نے پھر سٹیڈیم کی نشستیں چھوڑ دیں اور سب اس سمت چڑھ دوڑے جہاں میسی موجود تھے۔  مایوس تماشائیوں نے دلیل دی کہ وہ پریمیم ریٹ ادا کرنے کے باوجود میسی کا چہرہ بھی نہیں دیکھ سکتے تھے۔

 مداحوں کا غصہ اور بدنظمی

جیسے جیسے مایوسی بڑھ گئی، شائقین نے سکیورٹی اہلکاروں کو جھنجھوڑ دیا، بوتلیں اور اشیاء پھینکیں، اور پنڈال کے کچھ حصوں میں توڑ پھوڑ کی۔
کچھ حامیوں نے پچ پر حملہ کرنے کی کوشش کی، جس کی وجہ سے پولیس نے ہجوم کو کنٹرول کرنے کے لیے طاقت کا استعمال کیا۔
جائے وقوعہ کی ویڈیوز میں رقم کی واپسی کے نعرے اور مشتعل افراد کی  چیخیں دکھائی دیتی ہیں جس میں الزام لگایا گیا ہے کہ یہ واقعہ گمراہ کن اور ناقص انتظام تھا۔

بدامنی کی وجہ سے، میسی کے سکیورٹی گارڈز نے انہیں وہاں سے نکال لیااور پروگرام کےآغاز میں ہی سٹیڈیم سے نکل گئے۔
اس شو کے لئے آرگنائزرز نے بہت مہنگے ٹکت بیچے تھے۔  اداکاروں اور معززین کی بڑی تعداد نے غیر معمولی رقمین خرچ کر کے میسی کے ساتھ ہاتھ ملانے کا موقع خریدا تھا۔  ان سب مین سے کچھ کو ہی میسی کے ساتھ ہاتھ ملانے کا موقع ملا، سیلفی بنانے کے لئے لاکھوں روپے اجاڑنے والوں کو بھی شاید ہی موقع مل سکا۔

بنگال کی حکومت کا ردعمل، آرگنائزر گرفتار

مغربی بنگال کی وزیر اعلیٰ ممتا بنرجی نے بدانتظامی پر صدمے کا اظہار کرتے ہوئے میسی اور مایوس مداحوں دونوں سے عوامی طور پر معافی مانگی۔
ریاستی وزیر کھیل نے اس بات کی تحقیقات کا اعلان کیا کہ کیا غلط ہوا اور ہجوم پر قابو کیسے ٹوٹ گیا۔
پولیس نے ہنگامہ آرائی کے دوران مرکزی تقریب کے منتظم کو حراست میں لے لیا۔

 مداحوں کے تبصرے

 ٹکٹ خریدنے والے بیشتر لوگوں نے اپنی مایوسی کا اظہار کیا۔

بیشتر نے کہا، "ہم نے 12,000 روپے ادا کیے، لیکن اس کا چہرہ بھی نہیں دیکھ سکے۔"

کچھ نے شکایت کی کہ  "صرف امیر کبیر لوگ، سیاستدان اور اداکار ہی میسی کو گھیر رہے تھے... پھر انہوں نے ہمیں کیوں بلایا؟"

کچھ خواتین نے کہا، "بالکل خوفناک واقعہ - ہم کچھ بھی نہیں دیکھ سکے۔"
بہت سے لوگوں نے رقم کی واپسی کا مطالبہ کیا، اس تجربے کو ایک "اسکیم" اور وقت، پیسے اور جذبات کا ضیاع قرار دیا۔ کلکتہ پولیس نے اس مطالبے کو لے کر آرگنائزر سے بات کی، وہ زیادہ سزا سے بچنے کے لئے ٹکٹ کے پیسے واپس کرنے پر مان گیا ہے۔

یہ میسی کے ہندوستان کے دورے کا پہلا پڑاؤ تھا، جس میں حیدرآباد، ممبئی اور نئی دہلی میں پبلک شو کرنے کا منصوبہ ابھی باقی ہے۔کل مچنے والی افراتفری نے اس شہر کا نام خراب کیا  جو اپنے  پرجوش فٹ بال کلچر کے لیے مشہور  ہے۔