(24 نیوز) چیئرمین پی سی بی مینیجمنٹ کمیٹی ذکا اشرف نے بتا دیا ہے کہ پی ایس ایل 9 کے میچز کراچی لاہور ، ملتان اور راولپنڈی میں ہوں گے۔

چیئرمین پی سی بی مینیجمنٹ کمیٹی ذکا اشرف نے پی ایس ایل ڈرافٹ تقریب سے خطاب  کرتے ہوئے کہا کہ پی ایس ایل 9 کے میچز کراچی لاہور ، ملتان اور راولپنڈی میں ہوں گے، تمام فرنچائزز پی ایس ایل کی ریڑھ کی ہڈی ہیں، پی ایس ایل کو کامیاب بنانے کے لیے سب نے محنت کی، اب پی ایس ایل ایک بڑا برانڈ بن چکا ہے۔

انہوں نے مزید کہا کہ پی ایس ایل 2016 میں جو پودا لگایا تھا آج تناور درخت بن چکا ہے، آج تمام ٹیمیں اپنے اپنے ڈرافٹنگ کے ذریعے سکواڈ مکمل کریں گی، پی ایس ایل کے پہلے کھلاڑی کا انتخاب ملتان سلطان کرے گی، میری نیک خواہشات تمام ٹیموں کے ساتھ ہیں۔