لاہور : پنجاب اور وفاقی حکومت نے چیئرمین پی ٹی آئی عمران خان پر درج مقدمات کی تفصیلات لاہور ہائیکورٹ میں پیش کردیں۔
وفاق اور پنجاب حکومت نے 4 مئی 2023 تک عمران خان پر درج مقدمات کی رپورٹ عدالت میں جمع کرائی جس کےمطابق عمران خان پر اسلام آباد میں 29 اور پنجاب میں 6 مقدمات درج ہیں۔حکومت پنجاب کے وکیل کی جانب سے عدالت کو بتایا گیا کہ پنجاب میں درج 2 مقدمات میں عمران خان کو بے گناہ قرار دیا گیا ہے، لاہور میں درج 2 مقدمات کی تحقیقات جے آئی ٹی کررہی ہے جب کہ پنجاب میں ہنگامہ آرائی کے بعد عمران خان پر مزید 3 مقدمات درج ہیں، ان مقدمات کی ایف آئی آر عدالت پیش کر دی گئی ہے۔
رپورٹ میں مزید بتایا گیا ہے کہ مجموعی طور پر پنجاب میں اب تک سابق وزیراعظم عمران خان پر 9 مقدمات درج ہوچکے ہیں۔