سٹی 42 : وفاقی دارالحکومت اسلام آباد میں جشنِ آزادی اور معرکۂ حق کی جیت کے موقع پر عوام کی خوشیاں دوبالا کرنے کے لیے کل 13 اگست کو  عام تعطیل کا اعلان کر دیا گیا ہے، تاہم سپریم کورٹ کل معمول کے مطابق کھلی رہے گی ۔ 

اعلامیے کے مطابق سپریم کورٹ مکمل طور پر فعال اور آپریشنل رہے گی، سپریم کورٹ بطور آئینی ادارہ اپنی کاروائیاں جاری رکھے گی ۔ 

سپریم کورٹ کے جاری کردہ اعلامیہ میں کہا گیا ہے کہ عدالتی اور انتظامی امور بلا تعطل انجام دیے جائیں گے۔ 

واضح رہے کہ ملک بھر میں یومِ آزادی کی تقریبات جوش و خروش سے منانے کی تیاریاں جاری ہیں، اسی سلسلے میں اسلام آباد کی ضلعی انتظامیہ نے بھی شہریوں کو قومی خوشی میں بھرپور شرکت کا موقع دینے کے لیے 13 اگست کو عام تعطیل دینے کا فیصلہ کیا ہے۔

ڈپٹی کمشنر اسلام آباد نے تعطیل کے حوالے سے باقاعدہ نوٹیفکیشن جاری کر دیا ہے جس کے مطابق تمام سرکاری دفاتر، تعلیمی ادارے اور متعلقہ ادارے کل بند رہیں گے