(کومل اسلم،عائمہ خان )آج موسم کیسا ہوگا؟ محکمہ موسمیات نے خبر دار کردیا ۔

 محکمہ موسمیات کے مطابق لاہور کا درجہ حرارت 29 ڈگری سینٹی گریڈ ریکارڈ کیا گیا ہے، آئندہ چوبیس گھنٹوں کے دوران درجہ حرارت 36 ڈگری سینٹی گریڈ تک جائے گا، درجہ حرارت کم سے کم 27اور زیادہ سے زیادہ 36ڈگری سینٹی گریڈ ریکارڈ کیا جائے گا، آئندہ چوبیس گھنٹوں کے دوران شہر میں مزید بارش کا امکان موجود ہے ۔ لاہور شہر میں فضائی آلودگی کی شرح 79ریکارڈ کی گئی،جوہر ٹاؤن 94, سید مراتب علی روڈ 80 ، مال روڈ 78,یو ایس قونصلیٹ 66, فیز 5 ڈی ایچ اے میں 55اے کیو آئی کی شرح ریکارڈ کی گئی ہے۔

 دوسری طرف کراچی میں بھی موسم ابر آلود ہے ،محکمہ موسمیات کے مطابق دن کے اوقات میں گرمی کی شدت میں اضافہ ہو گا، موجودہ درجہ حرارت 27 ڈگری سینٹی گریڈ ریکارڈ کیا گیا ہے، کم سے کم درجہ حرارت 26 ڈگری جبکہ زیادہ سے زیادہ درجہ حرارت 32 سے33 ڈگری سینٹی گریڈ تک رہنے کا امکان ہے۔