ویب ڈیسک: پاکستان کی دوسری بڑی نجی ایئر لائن ایئر بلیو نے اسلام آباد، کراچی، لاہور اور ملتان سمیت اپنے اہم ہوائی اڈوں پر مختلف آسامیوں کے لیے بھرتی کا اعلان کیا ہے۔

ایئر لائن انتظامیہ نے فلائٹ آپریشنز، انجینئرنگ، ٹرانسپورٹ اور دیگر شعبوں میں مختلف آسامیوں پر بھرتیوں کا اعلان کیا ہے، جن آسامیوں پر بھرتیاں کی جائیں گی ان میں ڈپٹی مینیجنگ ڈائریکٹر برائے بزنس ڈیولپمنٹ (اسلام آباد)، ایرو میڈیکل: فلائٹ سرجن (لاہور)، ایئر سائیڈ آپریشنز: ایکزیکٹو، ایسوسی ایٹ اور اسپیشلسٹ (اسلام آباد و کراچی)، ٹریول کاؤنسلر (ملتان)، مینیجر سیکیورٹی (اسلام آباد) شامل ہے۔

اس کے علاوہ ایئرکرافٹ انجینئرز، ٹیکنیشنز، مینیجرز اور ٹرینی انجینئرز (اسلام آباد، کراچی، کندو)، کیپٹن، فرسٹ آفیسر، سینئر مینیجر فلائٹ آپریشنز (اسلام آباد، کراچی، لاہور)، کیبن کریو، لیڈ کیبن کریو، جنرل مینیجر اور مینیجر فلائٹ سروسز (تمام مقامات پر)، کوآرڈینیٹر (اسلام آباد)، پراکیورمنٹ، لاجسٹکس اور کوالٹی ایشورنس،  گراؤنڈ انسٹرکٹر کیبن (اسلام آباد، کراچی، لاہور)، ڈرائیورز (اسلام آباد، لاہور، ملتان) شامل ہے

درخواست دینے کا طریقہ:

ایئر بلو کی آفیشل ویب سائٹ پر جائیں: https://www.airblue.com/jobs
مطلوبہ عہدہ منتخب کریں اور آن لائن فارم پُر کریں۔
درکار دستاویزات (میٹرک سرٹیفکیٹ کی تصدیق شدہ کاپی، شناختی کارڈ، ڈرائیونگ لائسنس، تجربہ سرٹیفکیٹ اور حالیہ تصویر) اپ لوڈ کریں۔
فارم جمع کرائیں اور تصدیقی رسید محفوظ رکھیں،  درخواستیں جمع کرانے کی آخری تاریخ جمعرات، 13 نومبر 2025 ہے۔