(اسرار خان) شاہدرہ ٹاؤن میں سی آئی اے شاہدرہ کے مبینہ پولیس مقابلہ میں اشتہاری مجرم اور ریکارڈ یافتہ ڈاکو محسن مجید ہلاک ہو گیا ۔
سی آئی اے پولیس کے مطابق ملزمان کی گرفتاری کیلئے سی آئی اے شاہدرہ کی ٹیم نے یاسین گارڈن میں ناکہ بندی کی ہوئی تھی، اسی دوران 2 موٹر سائیکلوں پر سوار 4 ملزمان کو روکنے کی کوشش کی تو ملزمان نے فائرنگ کر دی ، جس کی زد میں آ کر ملزم محسن مجید اپنے ہی ساتھیوں کی فائرنگ سے ہلاک ہو گیا ۔
سی آئی اے پولیس کا کہنا ہے کہ ہلاک ملزم قتل، ڈکیتی، راہزنی اور نقب زنی سمیت دیگر 80 مقدمات میں مطلوب تھا ، ہلاک ملزم کے دیگر ساتھی فائرنگ کرتے ہوئے فرار ہو گئے جن کی تلاش جاری ہے۔