ویب ڈیسک: ملک کے مختلف علاقوں کے موسم کے حوالے سے محکمہ موسمیات نے پیشگوئی کردی ہے۔

رپورٹ کے مطابق اسلام آباد میں دن بھر موسم گرم اور مرطوب رہے گا جبکہ پنجاب کے بیشتر اضلاع میں بھی موسم گرم اور مرطوب رہنے کا امکان ہے۔ محکمہ موسمیات کا کہنا ہےکہ بلوچستان کےبیشتر اضلاع میں بھی موسم گرم و مرطوب رہنے کا امکان ہے، اس کے علاوہ سندھ کے اکثر مقامات پر بھی آج موسم گرم اور مرطوب رہے گا۔

محکمہ موسمیات کی رپورٹ میں بتایا گیا ہے کہ سوات،کوہستان، ایبٹ آباد، بالاکوٹ، شانگلہ کے علاوہ مری،گلیات اور گردونواح میں بارش متوقع ہے جبکہ آزاد کشمیر اور گلگت بلتستان میں بھی بارش ہو سکتی ہے۔محکمہ موسمیات کا کہنا ہے کہ کراچی کا موسم آج گرم اور جزوی ابر آلود رہے گا، کم سے کم درجہ حرارت 29.5 ڈگری سینٹی گریڈ اور زیادہ سے زیادہ درجہ حرارت 36 ڈگری سینٹی گریڈ رہنے کا امکان ہے۔

محکمہ موسمیات کا کہنا ہے کہ کراچی میں موجودہ درجہ حرارت 32 ڈگری سینٹی گریڈ تک پہنچ گیا جب کہ ہوا میں نمی کا تناسب 69 فیصد ہے۔شہر قائد میں بارش سے متعلق محکمہ موسمیات کا کہنا ہےکہ جنوب سےمغرب چلنےوالی ہواؤں کی رفتار 18 کلومیٹر فی گھنٹہ ہے، البتہ آج کراچی میں بارش کا کوئی امکان نہیں ہے۔