(مانیٹرنگ ڈیسک)گوگل پلیٹ فارم نے انٹرنیٹ استعمال کرنے والے صارفین کی ایک اور مشکل کو آسان بنادیا،گوگل پر ویڈیو کال کرنے والوں کے جدید فیچرز متعارف کرائے گئے ہیں جن کی مدد سے صارفین مستفید ہو سکیں گے۔

تفصیلات کے مطابق گوگل کا استعمال دنیا بھر میں کیا جارہا ہے، گوگل میپ کی مدد سے راستے معلوم کرسکتے ہیں جبکہ اس کے ذریعے ویڈیو کال کا حصول بھی ممکن ہے، گوگل نے ویڈیو کال سے متعلق نئے فیچرز متعارف کرائے ہیں،گوگل کانفرنسنگ سروس میٹ نے صارفین کی دلچپسی کو مدنظر رکھتے ہوئے ان نئے فیچرز کومتعارف کرایا گیاہے۔

اس حوالے سے گوگل کمپنی کی جانب سے ٹویٹر پرایک ویڈیو بھی شیئر کی گئی جس ان نئے فیچرز کو استعمال کرنے کاطریقہ بتایا گیا ہے،گوگل میٹ میں آئی او ایس اور اینڈرائیڈ صارفین کے لیے نئے ایفیکٹس، اے آر ماسکس اور ویڈیو فلٹرز کا اضافہ کیا گیا ہے،گوگل نے بتایا کہ اب صارفین ویڈیو کال فیڈ پر نیچے کی جانب موجود اسپارکل آئیکن کی مدد سے ان فیچرز کا استعمال کر سکیں گے۔

مذکورہ فیچرز سے صرف وہ صارفین مستفید ہو سکیں گے جن کا اپنا ذاتی گوگل اکاؤنٹ ہوگا، ورک اسپیس استعمال کرنے والے صارفین کو یہ فیچرز محدود تعداد میں دستیاب ہوں گے،ان نئے فیچرز کے متعارف کرانے کا مقصد بزنس اور کاروباری صارفین کے علاوہ عام افراد کی توجہ اس سروس کی طرف مبذول کروانا ہے۔

Add cats, astronauts, jellyfish and more to your Meet calls. New filters, masks and effects are now available for Meet on Android and iOS. Try it today → https://t.co/DDSvWFxDG8 pic.twitter.com/hylhsCcUuj

— Google (@Google) July 7, 2021

 واضح رہے کہ گوگل نہ صرف آپ کے بارے میں تمام معلومات رکھتا ہے بلکہ وہ یہ تمام معلومات اشتہارات دینے والی کمپنیوں کو بھی فراہم کرتا ہے۔ اسی وجہ سے آپ کئی دفعہ دیکھتے ہیں کہ آپ وہی اشتہارات دیکھتے ہیں جس کے بارے میں آپ سرچ کر رہے ہوتے ہیں۔
لیکن اس میں بھی کوئی پریشانی نہیں ہونی چاہیے کیونکہ آپ یہ معلوم کر سکتے ہیں کہ گوگل آپ کی کون سی معلومات ان کمپنیوں کو دے رہا ہے۔